તલાટી લાંચ લેતા પકડાતા 500ની નોટો ચાવી ગયા, મોંમાંથી કાઢવાનો પ્રયાસ કર્યો તો બચકા ભર્યા

જણાવવામાં આવી રહ્યું છે કે, બિલહરી હળકા ગામમાં તૈનાત તલાટી ગજેન્દ્ર સિંહે ફરિયાદી ચંદન સિંહ લોધી પાસેથી જમીન કેસમાં 4500 રૂપિયાની લાંચ માંગી હતી. ચંદન સિંહ લોધીએ આ અંગે લોકાયુક્ત જબલપુરને ફરિયાદ કરી હતી. આ પછી લોકાયુક્તની ટીમે સ્થળ પર પહોંચી તલાટીને લાંચ લેતા રંગે હાથે પકડી પાડ્યો હતો. પરંતુ પટવારી ગજેન્દ્રસિંહે લાંચરૂપે લીધેલી 500-500ની 9 નોટો ચાવી નાખી હતી.

જ્યારે લોકાયુક્ત ટીમના સભ્યએ તલાટીના મોઢામાંથી પૈસા કાઢવાનો પ્રયાસ કર્યો તો તેણે તેમની આંગળીમાં બચકું ભરી લીધું હતું. આ દરમિયાન લોકાયુક્તના 7 સભ્યોની ટીમે નોટો કાઢવાનો પૂરો પ્રયાસ કર્યો હતો. પરંતુ તેના મોઢામાંથી પૈસા ન નીકળતા તેને જિલ્લા હોસ્પિટલમાં લઈ જવામાં આવ્યો હતો. ભારે જહેમત બાદ તલાટી ગજેન્દ્રસિંહે લાંચની ચાવેલી નોટો કાઢી લીધી હતી. આ ઘટના સામે આવ્યા બાદ બધા ચોંકી ગયા છે.

पुलिस नै देखते ही पटवारी साहब पैसे मुंह म घुटक गया
हररोज पता नहीं कितने पटवारी गरीब किसानों मजदूरों का पैसा गटक कर सोते हैं @HRSofficersAsso pic.twitter.com/knPYxf2aAi

— ताई रामकली (@haryanvitai) July 25, 2023

લોકાયુક્ત ટીમનું નેતૃત્વ કરી રહેલા કમલ સિંહ ઉઇકે કહે છે કે, ફરિયાદી ચંદન લોધીની ફરિયાદ પર લાંચ લેનાર તલાટી ગજેન્દ્ર સિંહ 4500 રૂપિયા સાથે ઝડપાયો હતો, પરંતુ ટીમને જોઈને તેણે નોટ ખાઈ લીધી હતી. જોકે, ટીમ પાસે વોઈસ રેકોર્ડિંગ સાથે અન્ય પુરાવા છે, જેના આધારે આગળની કાર્યવાહી કરવામાં આવશે. હાલ આરોપી ગજેન્દ્ર સિંહ વિરુદ્ધ પ્રિવેન્શન ઓફ કરપ્શન એક્ટ હેઠળ કાર્યવાહી કરવામાં આવી રહી છે.