Big Breaking: 17 મહિના બાદ Manish Sisodia આવશે જેલમાંથી બહાર, સુપ્રીમ કોર્ટમાંથી મળ્યા જામીન

Supreme Court grants bail to Manish Sisodia: દિલ્હીના પૂર્વ ઉપમુખ્યમંત્રી સિસોદિયાને લઈને રાહતના સમાચાર સામે આવી રહ્યા છે. એક્સાઈઝ પોલિસી કેસમાં 17 મહિના જેલમાં વિતાવ્યા બાદ આજે તેમની જામીન અરજી મંજૂર થઈ ગઈ છે. સુપ્રીમ કોર્ટે મનીષ સિસોદિયાને જામીન આપી દીધા છે. જસ્ટિસ બીઆર ગવઈ અને જસ્ટિસ કેવી વિશ્વનાથની ખંડપીઠે ત્રણ દિવસ પહેલા 6 ઑગસ્ટના રોજ આ મામલે આદેશ અનામત રાખ્યો હતો. મનીષ સિસોદિયાએ દિલ્હી હાઈકોર્ટના નિર્ણય સામે સુપ્રીમ કોર્ટનો સંપર્ક કર્યો હતો. વાસ્તવમાં હાઈકોર્ટે સિસોદિયાની જામીન અરજી ફગાવી દીધી હતી.