સ્ટોક માર્કેટ કિંગ રાકેશ ઝુનઝુનવાલાનું નિધન, બ્રીચ કેન્ડી હોસ્પિટલમાં લીધા અંતિમ શ્વાસ

રાકેશ ઝુનઝુનવાલાને ભારતના વોરેન બફેટ તરીકે પણ ઓળખવામાં આવે છે. શેરબજારમાંથી કમાણી કર્યા બાદ બિગ બુલે એરલાઇન સેક્ટરમાં પણ પોતાનો હાથ અજમાવ્યો છે. તેણે નવી એરલાઇન કંપની અકાસા એરમાં મોટું રોકાણ કર્યું હતું અને 7 ઓગસ્ટથી કંપનીએ કામગીરી શરૂ કરી છે. શેરબજારમાં રોકાણ કરનાર ઝુનઝુનવાલાની પાસે આજે હજારો કરોડની સંપત્તિ છે. રાકેશ ઝુનઝુનવાલાએ પોતાના કરિયરની શરૂઆત માત્ર 5 હજાર રૂપિયાથી શરૂ થઈ હતી.

રાકેશ ઝુનઝુનવાલાનો અકાસા એરમાં સૌથી મોટો હિસ્સો
અકાસાની પ્રથમ કોમર્શિયલ ફ્લાઈટ મુંબઈથી અમદાવાદ માટે ઉડાન ભરી હતી. ઉડ્ડયન મંત્રી જ્યોતિરાદિત્ય સિંધિયા અકાસા એરની પ્રથમ ફ્લાઇટના ઉદ્ઘાટન સમારોહમાં જોવા મળ્યા હતા. તેમણે અકાસાની પ્રથમ કોમર્શિયલ ફ્લાઈટને ફ્લેગ ઓફ કરી હતી. તેમની સાથે કેન્દ્રીય રાજ્ય મંત્રી વીકે સિંહ પણ હાજર હતા. રાકેશ ઝુનઝુનવાલા અને તેમની પત્ની રેખા પાસે અકાસા એર શેરમાં સૌથી મોટો હિસ્સો છે. આ એરલાઇન કંપનીમાં કુલ હિસ્સો 45.97 ટકા છે. આ સિવાય અકાસા એરમાં  વિનય દુબે, સંજય દુબે, નીરજ દુબે, માધવ ભાટકુલી, PAR કેપિટલ વેન્ચર્સ, કાર્તિક વર્મા પણ પ્રમોટર છે. રાકેશ ઝુનઝુનવાલા બાદ અકાસા એરમાં વિનય દુબેની ભાગીદારી સૌથી વધુ છે. વિનય દુબેની ભાગીદારી 16.13 ટકા છે. અકાસા એરએ 13મી ઓગસ્ટથી તેની બેંગ્લોર-કોચી સેવા શરૂ કરી છે. હવે  19 ઓગસ્ટથી બેંગ્લોર-મુંબઈ અને 15 સપ્ટેમ્બરથી ચેન્નાઈ-મુંબઈ માટે તેની સેવા શરૂ કરશે.

5,000 રૂપિયાથી રોકાણ કરવાનું શરૂ કર્યું.
રાકેશ ઝુનઝુનવાલા શેરબજારમાં સૌથી મોટા રોકાણકારોમાંના એક હતા. જ્યારે તે કોલેજમાં હતો ત્યારે તેણે શેરબજારમાં હાથ અજમાવવાનું શરૂ કર્યું હતું. તેમણે ઈન્સ્ટિટ્યૂટ ઑફ ચાર્ટર્ડ એકાઉન્ટન્ટ ઑફ ઈન્ડિયામાં પ્રવેશ મેળવ્યો.  સ્નાતક થયા પછી જ તેણે શેરબજારમાં હાથ અજમાવવાનું શરૂ કર્યું. ઝુનઝુનવાલાએ 1985માં 5,000 રૂપિયાથી રોકાણ કરવાનો આરંભ કર્યો હતો. સપ્ટેમ્બર 2018 સુધીમાં આ રોકાણ વધીને 11,000 કરોડ રૂપિયા થઈ ગયું હતું.  હાલમાં ઝુનઝુનવાલાની કુલ સંપત્તિ 43.39 હજાર કરોડ રૂપિયા છે. ભારતના સ્ટોક માર્કેટના કિંગ તરીકે ઓળખાતા રાકેશ ઝુનઝુનવાલાની આવકનો મુખ્ય સ્ત્રોત શેરબજાર છે.  જ્યારે સામાન્ય રોકાણકારો શેરબજારમાં નાણાં ગુમાવી રહ્યા હોય ત્યારે પણ ઝુનઝુનવાલા કમાણી કરે છે.

વડાપ્રધાન મોદીએ આપી શ્રદ્ધાંજલિ
રાકેશ ઝુનઝુનવાલા અદમ્ય હિંમતવાન હતા. જીવનથી ભરપૂર, વિનોદી અને સમજદાર હતા, તેણે  આર્થિક જગતમાં અમૂલ્ય યોગદાન આપ્યું છે. તેઓ ભારતની પ્રગતિ માટે પણ ખૂબ જ ઉત્સાહી હતા. તેમનું નિધન દુઃખદ છે. તેમના પરિવાર અને પ્રશંસકો પ્રત્યે મારી સંવેદના. ઓમ શાંતિ.

Rakesh Jhunjhunwala was indomitable. Full of life, witty and insightful, he leaves behind an indelible contribution to the financial world. He was also very passionate about India’s progress. His passing away is saddening. My condolences to his family and admirers. Om Shanti. pic.twitter.com/DR2uIiiUb7

— Narendra Modi (@narendramodi) August 14, 2022

ગૌતમ અદાણીએ શ્રદ્ધાંજલિ પાઠવી
ભારતના સૌથી સુપ્રસિદ્ધ રોકાણકારના અકાળે અવસાનથી ખૂબ જ દુઃખી છું. શ્રી ઝુનઝુનવાલાએ તેમના તેજસ્વી વિચારોથી સમગ્ર પેઢીને આપણા ઇક્વિટી માર્કેટમાં વિશ્વાસ કરવા માટે પ્રેરણા આપી. અમે તેને મિસ કરીશું. ભારત તેને યાદ કરશે પરંતુ અમે તેને ક્યારેય ભૂલીશું નહીં.

Extremely saddened by the untimely passing away of the most legendary investor that India has had. Shri Jhunjhunwala inspired an entire generation to believe in our equity markets with his brilliant views. We will miss him. India will miss him but we will never forget him. RIP🙏 pic.twitter.com/XrOBM3t0nG

— Gautam Adani (@gautam_adani) August 14, 2022