અમદાવાદના મોદી સ્ટેડિયમમાં શુભમન ગિલે કોહલી-રોહિત બધાને પાછળ છોડ્યા, એક મેચમાં બન્યા અનેક રેકોર્ડ

ગિલે 200ની સ્ટ્રાઈક રેટથી રન બનાવ્યા
પોતાની આ ઈનિંગ્સમાં શુભમન ગિલે 7 છગ્ગા અને 12 ચોગ્ગા ફટકાર્યા. આ દરમિયાન તેની સ્ટ્રાઈક રેટ 200ની હતી. ગિલે ટેસ્ટમાં એક અને વન-ડેમાં ચાર સદી ફટકારી છે. તેણે હવે ટી-20માં પણ સદી મારી દીધી છે.આ સાથે ગિલ ટી-20 ઈન્ટરનેશનલમાં 126 રનોનો સૌથી મોટો સ્કોર બનાવનાર ભારતીય ખેલાડી બની ગયો છે. આ મામલે તેણે વિરાટ કોહલી અને રોહિત શર્મા સહિત તમામ દિગ્ગજોને પાછળ છોડી દીધા છે.

ટી-20 ઈન્ટરનેશનલમાં ભારતના માત્ર 7 બેટ્સમેનો જ અત્યાર સુધી સદી ફટકારી શક્યા છે. જેમાં શુભમન ગિલ, વિરાટ કોહલી, રોહિત શર્મા ઉપરાંત સુરેશ રૈના, સૂર્યકુમાર યાદવ, કે.એલ રાહુલ અને દીપક હુડ્ડાનું નામ સામેલ છે.

.@ShubmanGill scored a remarkable 126* off just 63 deliveries and bagged the Player of the Match award as #TeamIndia registered a 168-run victory in the #INDvNZ T20I series decider 👏🏻👏🏻

Scorecard – https://t.co/1uCKYafzzD… #INDvNZ @mastercardindia pic.twitter.com/OhPzHbgxsK

— BCCI (@BCCI) February 1, 2023

આ ખેલાડીઓએ ત્રણેય ફોર્મેટમાં સદી ફટકારી
ભારત સહિત દુનિયાભરમાં કુલ 20 ખેલાડીઓ જ એવા છે, તેમણે ટેસ્ટ, વનડે અને ટી-20માં સદી ફટકારી છે. શુભમન ગિલ આ લિસ્ટમાં 20મો ખેલાડી છે. જ્યારે આ લિસ્ટમાં ભારતના સુરેશ રૈના, વિરાટ કોહલી, કે.એલ રાહુલ અને રોહિત શર્માનું નામ છે.