રવિન્દ્ર જાડેજા અને MLA રિવાબા હવે બોલિવૂડ કરશે એન્ટ્રી, ફિલ્મને લઈને આ મોટી જાહેરાત કરી

રવિન્દ્ર જાડેજાએ ફિલ્મની જાહેરાત કરી
રવિન્દ્ર જાડેજા હાલમાં બોર્ડર-ગાવસ્કર ટ્રોફી 2023 માટે અમદાવાદમાં ભારતીય ટીમ સાથે છે, પરંતુ રિવાબા મુહૂર્ત સમારોહ દરમિયાન હાજર હતા. આ માહિતી રવિન્દ્ર જાડેજાએ તેના ચાહકોને ઈન્સ્ટાગ્રામ દ્વારા આપી હતી. જાડેજા ભારતના ભૂતપૂર્વ અને ચેન્નાઈ સુપર કિંગ્સના વર્તમાન કેપ્ટન એમએસ ધોની સાથે ક્રિકેટરોમાંથી નિર્માતાઓની રેન્કમાં જોડાશે.

ધોની અને શિખર ધવન પણ બોલિવૂડમાં છે
મહેન્દ્ર સિંહ ધોનીએ તેના પ્રોડક્શન હાઉસ ધોની એન્ટરટેઈનમેન્ટ પ્રાઈવેટ લિમિટેડ હેઠળ એક મહિના પહેલા નિર્માતા તરીકે તેની પ્રથમ ફિલ્મની જાહેરાત કરી હતી. ભારતના અનુભવી ઓપનર શિખર ધવને 2022માં સતરામ રામાણીની ‘ડબલ એક્સએલ’માં નાનકડી ભૂમિકા સાથે અભિનયની શરૂઆત કરી હતી.

 

View this post on Instagram

 

A post shared by Ravindrasinh jadeja (@ravindra.jadeja)

ક્રિકેટ ફેન્સ કરી રહ્યા છે જાડેજાની પ્રશંસા
રવિન્દ્ર જાડેજાની આ પોસ્ટ સોશિયલ મીડિયા પર વાયરલ થઈ છે. ચાહકો તેમના પર પ્રેમ વરસાવી રહ્યા છે. કેટલાક ચાહકોએ લખ્યું કે, જડ્ડુ ભાઈ, તમે ક્રિકેટની બહાર પણ ઓલરાઉન્ડર બન્યા. cskiansfanએ લખ્યું, ભાઈ કઈ લાઈનમાં આવ્યા છો.

ફિલ્મમાં કોણ-કોણ એક્ટર છે?
પછત્તર કા છોરા ફિલ્મમાં નીના ગુપ્તા, રણદીપ હુડ્ડા, સંજય મિશ્રા અને ગુલશન ગ્રોવર મહત્વપૂર્ણ રોલ ભજવતા જોવા મળશે. ‘પછત્તર કા છોરા’ની શૂટિંગ રાજસ્થાનના રાજસમંદમાં થઈ રહી છે. ‘પછત્તર કા છોરા’માં પોતાના પાત્ર વિશે રણદીપ હુડ્ડાએ કહ્યું, ‘તે એક રોમેન્ટિક ડ્રામા ફિલ્મ છે. મારા પર વિશ્વાસ કરો, તમે આજ સુધી આવી લવ સ્ટોરી ક્યારેય જોઈ નથી.