જયપુરઃ રાષ્ટ્રીય રાજપૂત કરણી સેનાના અધ્યક્ષ સુખદેવ સિંહ ગોગામેડીની ગોળી મારી હત્યા, પોલીસ થઈ દોડતી

રાજસ્થાનની રાજધાની જયપુરમાં રાષ્ટ્રીય રાજપૂત કરણી સેનાના પ્રમુખ સુખદેવ સિંહ ગોગામેડીની ગોળી મારીને હત્યા કરવામાં આવી છે. ઘટના બાદ રાજ્યભરમાં હડકંપ મચી ગયો છે. પોલીસ ઘટનાસ્થળે પહોંચી ગઈ છે. હુમલાખોરોની શોધખોળ કરવામાં આવી રહી છે. કહેવાય છે કે, સુખદેવસિંહ ગોગામેડીને બદમાશોએ ચાર ગોળીઓ મારી છે. ઘટના સમયે સુખદેવ સિંહ ગોગામેડી તેમના ઘરે હતા.