Ram Navami 2024: રામધૂન, સૂર્ય તિલક...અયોધ્યા મંદિરમાં પ્રભુ શ્રીરામનો પહેલો જન્મોત્સવ, ભક્તોમાં અનેરો ઉત્સાહ

વહેલી સવારથી ભક્તોની જામી છે ભીડ

રામનવમી નિમિત્તે રામ મંદિરના કપાટ સવારે 3.30 વાગ્યે ભક્તો માટે ખોલી દેવામાં આવ્યા છે. કહેવાય છે કે રાત્રીના 11 વાગ્યા સુધી ભક્તો રામલલાના દર્શન કરી શકશે. આવી સ્થિતિમાં મંદિરમાં ભક્તોની ભીડ જોવા મળી રહી છે. રામલલાનું સૂર્ય તિલક બપોરે 12.16 કલાકે કરવામાં આવશે.

#WATCH | Uttar Pradesh: Devotees take holy dip in Saryu River as they arrive at Ram temple in Ayodhya, on the occasion of #RamNavami pic.twitter.com/ET582pvoT6

— ANI (@ANI) April 16, 2024

સરયુ નદીમાં લગાવી રહ્યા છે આસ્થાની ડુબકી

રામલલાના દર્શનને લઈને રામ ભક્તોમાં અનેરો ઉત્સાહ જોવા મળી રહ્યો છે. રામનવમી નિમિત્તે ભક્તો સરયુ નદીમાં આસ્થા અને શ્રદ્ધાની  ડૂબકી લગાવી રહ્યા છે. રામ નવમી નિમિત્તે બુધવારે વહેલી સવારથી જ ભક્તો રામ મંદિર પહોંચવા લાગ્યા હતા. આ દરમિયાન  મંદિર પરિસર જયશ્રી રામના નાદથી ગુંજી ઉઠ્યું હતું.

#WATCH | Uttar Pradesh: Devotees throng Ram temple in Ayodhya, on the occasion of #RamNavami pic.twitter.com/H2n0sQi4AP

— ANI (@ANI) April 17, 2024

પોલીસે ગોઠવ્યો બંદોબસ્ત

અયોધ્યા નગરીમાં રામધૂન ચાલી રહી છે. ચારેય બાજુ રામમય માહોલ સર્જાયો છે. ભક્તોની સુરક્ષાને ધ્યાનમાં રાખીને પોલીસે પણ કડક સુરક્ષા વ્યવસ્થા ગોઠવી છે. 

કેવું હશે રામલલાનું સૂર્ય તિલક?

રામલલાના સૂર્ય તિલક દરમિયાન ભક્તોને રામ મંદિરમાં જવાની મંજૂરી અપાશે. સૂર્ય તિલક માટે મંદિર ટ્રસ્ટે લગભગ 100 LED લગાવ્યા છે, જ્યારે સરકારે 50 LEDની વ્યવસ્થા કરી છે. આના દ્વારા રામ નવમીનો જશ્ન દેખાડવામાં આવશે. રામલલાની મૂર્તિના સૂર્ય અભિષેકના દર્શન ખૂબ જ અદ્ભુત હશે. બરાબર 12.16 વાગ્યે સૂર્યના કિરણો પાંચ મિનિટ માટે રામલલાની મૂર્તિના કપાળ પર પડશે. કિરણો લેન્સ અને અરીસા સાથે અથડાશે અને રામલલાના કપાળ સુધી પહોંચશે. વૈજ્ઞાનિકોની ટીમે આ અંગે સંપૂર્ણ વ્યવસ્થા કરી લીધી છે.

यह पहली रामनवमी है, जब अयोध्या के भव्य और दिव्य राम मंदिर में हमारे राम लला विराजमान हो चुके हैं। रामनवमी के इस उत्सव में आज अयोध्या एक अप्रतिम आनंद में है। 5 शताब्दियों की प्रतीक्षा के बाद आज हमें ये रामनवमी अयोध्या में इस तरह मनाने का सौभाग्य मिला है। यह देशवासियों की इतने…

— Narendra Modi (@narendramodi) April 17, 2024

રામલલાને ચઢાવવામાં આવશે 56 ભોગ 

રામ નવમીની વિશેષ પૂજા માટે 56 પ્રકારના ભોગ તૈયાર કરવામાં આવ્યા છે. આ વિશેષ પ્રસાદ રામલલાને અર્પણ કરવામાં આવશે. આ પ્રસાદ પણ ભક્તોને આપવામાં આવશે. રામજન્મભૂમિ મંદિરના મુખ્ય પૂજારી આચાર્ય સત્યેન્દ્ર દાસે કહ્યું કે ટ્રસ્ટે રામ નવમી માટે તમામ પ્રકારની તૈયારીઓ કરી છે. રામલલાનો સૂર્ય અભિષેક બપોરે 12.16 કલાકે થશે.