લંડનમાં ભારતીય હાઈ કમીશન બહાર કટ્ટરપંથીઓનો ભારે હંગામો, તિરંગો પણ નીચે ઉતારી લીધો

ભારતમાં બ્રિટનના રાજદ્વારીને સમન અપાયું
સમન્સમાં ભારતીય વિદેશ મંત્રાલયે કહ્યું કે, ભારતમાં બ્રિટનના સૌથી સીનિયર રાજદ્વારીને સમન કરવામાં આવે છે. અમે લંડનના હાઈ કમિશનમાં અલગતાવાદી અને કટ્ટરપંથી તત્વોની કાર્યવાહીની નિંદા કરીએ છીએ. બ્રિટિશ સરકારે ખુલાસો કરવો જોઈએ કે જ્યારે હાઈ કમિશનમાં આવું કામ થઈ રહ્યું હતું તો સુરક્ષા વ્યવસ્થામાં બેદરકારી શા માટે? આ સીધી રીતે વિયેના કન્વેન્શનના નિયમોનું પણ ઉલ્લંઘન છે.

વિદેશ મંત્રાલયે કહ્યું છે કે, ભારત સરકારને આશા છે કે બ્રિટિશ સરકાર તાત્કાલિક પગલાં લેશે અને આરોપીઓની ધરપકડ કરશે. અમે આશા રાખીએ છીએ કે તેમને સજા કરવામાં આવશે અને હવેથી બ્રિટન આવી ઘટનાઓનું પુનરાવર્તન ન થાય તે સુનિશ્ચિત કરવાનો પ્રયાસ કરશે.

#WATCH | United Kingdom: Khalistani elements attempt to pull down the Indian flag but the flag was rescued by Indian security personnel at the High Commission of India, London.

(Source: MATV, London)

(Note: Abusive language at the end) pic.twitter.com/QP30v6q2G0

— ANI (@ANI) March 19, 2023

બ્રિટિશ હાઈ કમિશનરે ઘટનાને વખોડી
ભારતમાં બ્રિટિશ હાઈ કમિશનરે લંડનમાં ભારતીય હાઈ કમિશન ખાતે ખાલિસ્તાનીઓ દ્વારા કરાયેલા વિરોધને વખોડ્યો છે.

I condemn the disgraceful acts today against the people and premises of the @HCI_London – totally unacceptable.

— Alex Ellis (@AlexWEllis) March 19, 2023

શા માટે કટ્ટરપંથીઓ કરી રહ્યા છે વિરોધ?
હકીકતમાં પંજાબની પોલીસે બે દિવસ પહેલા જ કટ્ટરપંથી સંગઠન ‘વારિસ પંજાબ દે’ના પ્રમુખ અમૃતપાલ સિંહ વિરુદ્ધ કડક કાર્યવાહી કરતા તેને ભાગેડુ જાહેર કર્યો હતો. ત્યારથી, કાયદો અને વ્યવસ્થાની સ્થિતિ બગડવાના ડરથી, પંજાબમાં દરેક જગ્યાએ પોલીસ તૈનાત છે. અમૃતપાલના 78 સમર્થકોની ધરપકડ કરવામાં આવી છે. તેની પણ સક્રિય શોધ ચાલી રહી છે. બીજી તરફ અમૃતપાલના સમર્થનમાં તેના સમર્થકો વિવિધ સ્થળોએ વિરોધ પ્રદર્શન કરવાનો પ્રયાસ કરી રહ્યા છે. એવું માનવામાં આવે છે કે લંડનમાં હાઈ કમિશનમાં અલગતાવાદીઓ દ્વારા કરવામાં આવેલા પ્રદર્શન પાછળ પણ આ કારણ હોઈ શકે છે.