CANADA માંથી સેંકડો ભારતીય વિદ્યાર્થીઓને કાઢી મુકવાની તૈયારી, PM ટ્રુડોએ કરી મોટી જાહેરાત

જસ્ટિન ટ્રુડોએ રાહતદાયક જાહેરાત કરી
આ મામલે હવે કેનેડાના વડાપ્રધાન જસ્ટિન ટ્રુડોનું નિવેદન સામે આવ્યું છે. વડાપ્રધાન ટ્રુડોએ મુશ્કેલીમાં ફસાયેલા આ ભારતીય વિદ્યાર્થીઓને ખાતરી આપી છે કે, સરકાર દરેક કેસનું મૂલ્યાંકન કરશે. સરકારનું સમગ્ર ધ્યાન આ કેસમાં દોષિતોને ઓળખવા અને તેમને સજા આપવા પર છે. ટ્રુડોએ કહ્યું કે, અમને જાણવા મળ્યું છે કે કેટલાક આંતરરાષ્ટ્રીય વિદ્યાર્થીઓ નકલી કૉલેજ પત્રોને કારણે દેશનિકાલનો સામનો કરી રહ્યા છે. હું સ્પષ્ટ કરી દઉં કે અમારું સમગ્ર ધ્યાન આ મામલામાં દોષિતોને ઓળખવા પર છે અને વિદ્યાર્થીઓને સજા આપવા પર નથી. છેતરપિંડીનો સામનો કરી રહેલા વિદ્યાર્થીઓને તેમની તરફેણમાં પુરાવા દર્શાવવાની અને રજૂ કરવાની તક આપવામાં આવશે.

🇨🇦 NDP calls on IRCC to stay the #deportation of international students in #fake offer letter case and offer them #permanent residency (PR)

🇨🇦 #Today, students handed over their #demand letter to CBSA personnels

🇨🇦 Get full #details here 👇 https://t.co/I2CcD6MDf4

— INC – Immigration News Canada 🇨🇦 🍁 (@CanadaImmigra20) June 2, 2023

આંતરરાષ્ટ્રીય વિદ્યાર્થીઓનું મોટુ યોગદાન
અમારું માનવું છે કે, આંતરરાષ્ટ્રીય વિદ્યાર્થીઓએ આપણા દેશમાં ઘણું યોગદાન આપ્યું છે અને આ છેતરપિંડીનો ભોગ બનેલા વિદ્યાર્થીઓને અમે સમર્થન આપીશું. કેનેડામાં વિદ્યાર્થીઓનો વિરોધ કેનેડા પહોંચ્યા બાદ છેતરપિંડીનો અહેસાસ કરતા વિદ્યાર્થીઓ દેશનિકાલના આ નિર્ણય સામે રસ્તા પર ઉતરી વિરોધ પ્રદર્શન કરી રહ્યા છે. આમાંથી મોટાભાગના વિદ્યાર્થીઓ પંજાબના છે. આ વિદ્યાર્થીઓનું કહેવું છે કે તેમની ઈમિગ્રેશન કાઉન્સેલિંગ એજન્સીએ તેમની સાથે છેતરપિંડી કરી છે. આ વિદ્યાર્થીઓને નકલી ઑફર લેટર્સને કારણે પ્રવેશ નકારવામાં આવ્યો હતો અને કેનેડાની સરકારે તેમને દેશનિકાલ કરવાનો નિર્ણય લીધો હતો.

શા માટે વિદ્યાર્થીઓને દેશનિકાલ કરવામાં આવે છે?
કેનેડા પહોંચેલા લગભગ 700 વિદ્યાર્થીઓના ઓફર લેટર નકલી હોવાનું જાણવા મળ્યું છે. આ મામલો માર્ચ મહિનામાં પ્રકાશમાં આવ્યો. જ્યારે આ વિદ્યાર્થીઓએ કેનેડામાં કાયમી નિવાસ માટે અરજી કરી. સરકારે નકલી ઑફર લેટર્સ સાથે એડમિશન મેળવનારા વિદ્યાર્થીઓને દેશનિકાલ કરવાનો નિર્ણય કર્યો. શું કહ્યું વિદેશ મંત્રી જયશંકરે આ મામલે પંજાબના NRI બાબતોના મંત્રી કુલદીપ સિંહ ધાલીવાલે વિદેશ મંત્રી એસ જયશંકર પાસે હસ્તક્ષેપની માંગ કરી હતી. આ પછી વિદ્યાર્થીઓના સમર્થનમાં આવતા, વિદેશ મંત્રી એસ જયશંકરે કહ્યું છે કે જે વિદ્યાર્થીઓ સારા ઇરાદા સાથે કામ કરે છે તેમને સજા કરવી અયોગ્ય છે. જે ખરેખર દોષિત છે તેને આ મામલે જવાબદાર ઠેરવવો જોઈએ. કેનેડાની સરકાર પણ સ્વીકારે છે કે જો વિદ્યાર્થીએ કોઈ ખોટું કર્યું ન હોય તો આ પગલું અન્યાયી હશે. જો કોઈ વિદ્યાર્થીએ કોઈ ભૂલ ન કરી હોય તો તેણે તેનો ઉકેલ શોધવો પડશે. હું અપેક્ષા રાખું છું કે કેનેડિયન સિસ્ટમ આ બાબતે ન્યાયી રહેશે.