ટામેટાની સુરક્ષા માટે દુકાનની બહાર બાઉન્સર મૂકનારા પિતા-પુત્રને પોલીસ ઉઠાવી ગઈ

સત્તા પોતે ડરેલી છે: અખિલેશ યાદવ
સપા કાર્યકરની ધરપકડને લઈને અખિલેશ યાદવે ભાજપ પર નિશાન સાધ્યું છે. અખિલેશે કહ્યું, “જે દેશ-રાજ્યમાં સ્વસ્થ વ્યંગ અને કટાક્ષ માટે કોઈ સ્થાન નથી ત્યાં સમજી લેવું જોઈએ કે જે શક્તિ અન્યને ડરાવે છે તે પોતે જ ડરેલી છે. આ વાતાવરણમાં ‘લોકશાહીની માતા’ની વાત અર્થહીન વાક્ય જેવી લાગે છે. જો દેશના સૌથી મહત્વપૂર્ણ સંસદીય ક્ષેત્રમાં લોકશાહીની આ સ્થિતિ છે, તો દેશના બાકીના ભાગોમાં શું થશે.

શાકભાજી વિક્રેતાના તરત છોડવામાં આવે: SP ચીફ
આ પહેલા પણ અખિલેશ યાદવે શાકભાજી વેચનારને તાત્કાલિક છોડી મૂકવા માટે કહ્યું હતું. સમાજવાદી પાર્ટીના વડાએ કહ્યું, “વારાણસીમાં મોંઘવારી જેવા જનહિતના મુદ્દા પર સરકારનું ધ્યાન દોરનાર શાકભાજી વેચનારને પોલીસ સ્ટેશનમાં બેસાડવો કેટલી હદ સુધી યોગ્ય છે. આ સમાચારના ફેલાયા બાદ રાજ્યભરના તમામ શાકભાજી વિક્રેતાઓ નારાજ છે. તે શાકભાજી વિક્રેતાને તાત્કાલિક મુક્ત કરવામાં આવે.”

ટામેટાં માટે બાઉન્સર શા માટે તૈનાત કર્યા?
વારાણસીમાં શાકભાજીની દુકાન પર બાઉન્સર રાખનાર વ્યક્તિએ કહ્યું કે, દેશભરમાં ટામેટાંના રેકોર્ડ ભાવને જોતા અમે સ્ટોરની સુરક્ષા માટે તેમને રાખ્યા છે. લંકા વિસ્તારમાં કરિયાણાની દુકાન ચલાવતા અજય ફૌજીએ જણાવ્યું હતું કે ટામેટાંના ભાવ અંગે વાટાઘાટો કરતી વખતે ખરીદદારો આક્રમક ન બને તે માટે તેમણે બે બાઉન્સર તૈનાત કર્યા છે.

ફૌજીની દુકાન પર છેલ્લા 9 વર્ષમાં ચીજવસ્તુઓના વધતા ભાવનો ઉલ્લેખ કરતું પ્લેકાર્ડ પણ મૂકવામાં આવ્યું હતું. જેના સંદર્ભમાં કેન્દ્રની મોદી સરકારના નેતૃત્વનો સમય હતો. વારાણસીમાં, દુકાન પર 140-160 રૂપિયા પ્રતિ કિલોના ભાવે વેચાતા ટામેટા મા સવારે 9 થી સાંજના 5 વાગ્યા સુધી બાઉન્સરો તૈનાત રખાય છે. દુકાનદારે એ કહેવાનો ઇનકાર કર્યો કે તેણે બાઉન્સરોને કેટલા રૂપિયામાં ભાડે રાખ્યા હતા.

અખિલેશે ભાજપ પર નિશાન સાધ્યું
બીજી તરફ, SP ચીફ અખિલેશ યાદવે ટમેટાની દુકાન પર લગાવેલા બાઉન્સરો સાથે સંબંધિત વીડિયો શેર કરતા ટ્વિટ કર્યું છે. તેમણે કહ્યું કે ભાજપે ટામેટાંને ઝેડ પ્લસ સુરક્ષા આપવી જોઈએ.