અયોધ્યામાં અચાનક દલિતના ઘરે પહોંચ્યા PM મોદી, જાણો કોણ છે પ્રધાનમંત્રીને ચા પીવડાવનાર મહિલા

દલિત મહિલાએ PMને ચા પીવડાવી

PM મોદી અયોધ્યામાં દલિત મહિલા મીરા માંઝીને મળ્યા અને તેમના ઘરે બનેલી ચા પીધી. મીરા માંઝી પ્રધાનમંત્રી ઉજ્જવલા યોજનાના 10 કરોડમાં લાભાર્થી છે. વડાપ્રધાન નરેન્દ્ર મોદી થોડો સમય મીરાના ઘરે રોકાયા, આ દરમિયાન તેમણે પરિવારના સભ્યો સાથે વાત કરી અને ચા પીધી.

Uttar Pradesh | Prime Minister Narendra Modi met two children in Ayodhya and took selfies with them and also gave them autographs. pic.twitter.com/N7PHVTRwr7

— ANI (@ANI) December 30, 2023

અયોધ્યામાં 8 કિલોમીટર લાંબો રોડ શો કર્યો

આ પહેલા પીએમ મોદીએ અયોધ્યામાં 8 કિલોમીટર લાંબો રોડ શો કર્યો હતો. આ પછી અયોધ્યા ધામ રેલ્વે સ્ટેશનની નવી ઇમારતનું ઉદ્ઘાટન કરવામાં આવ્યું. તે જ સમયે 2 અમૃત ભારત અને 6 વંદે ભારત ટ્રેનને પણ લીલી ઝંડી બતાવી રવાના કરવામાં આવી હતી.

વડાપ્રધાન નરેન્દ્ર મોદી શનિવારે અયોધ્યા પહોંચ્યા ત્યારે એરપોર્ટથી નીકળ્યા બાદ પીએમનો રોડ શો થયો હતો. આ દરમિયાન લોકોએ તેમનું ફૂલોથી ભવ્ય સ્વાગત કર્યું હતું. રસ્તાની બંને બાજુ લોકોની ભીડ હતી.

અયોધ્યા કેસના વકીલે પીએમ મોદીનું સ્વાગત કર્યું

બાબરી કેસના વકીલ હાશિમ અંસારીના પુત્ર ઇકબાલ અન્સારી પીએમ મોદીને આવકારવા માટે પીએમ મોદી પર ગુલાબના ફૂલ વરસાવતા જોવા મળ્યા ત્યારે એક રસપ્રદ નજારો જોવા મળ્યો.

ઈકબાલ અંસારીએ કહ્યું, ‘અયોધ્યા દરેકને સંદેશ આપે છે, અહીં હિન્દુ અને મુસ્લિમ બધા સાથે રહે છે અને એકબીજાના કાર્યક્રમોમાં ભાગ લે છે.’

ખાસ વાત એ છે કે ઇકબાલ અંસારી બાબરી કેસમાં પક્ષકાર હતા અને મંદિર માટે આ જમીન આપવાના વિરોધમાં હતા. તે આ માટે કોર્ટમાં કેસ લડી રહ્યા હતા. તમને જણાવી દઈએ કે જ્યારે વડાપ્રધાન નરેન્દ્ર મોદી 2020માં રામ મંદિરના ભૂમિપૂજન માટે અયોધ્યા પહોંચ્યા હતા ત્યારે તેમણે પણ તેમનું સ્વાગત કર્યું હતું. ઈકબાલને રામ મંદિર નિર્માણ ટ્રસ્ટ તરફથી આમંત્રણ પણ મળ્યું હતું.