વડાપ્રધાન મોદીએ ખેડૂતોને આપી ખાસ દિવાળીની ગિફ્ટ, ખેતીમાં નવી પદ્ધતિને અપનાવવા સૂચન કર્યું

PM મોદીએ નવી દિલ્હીમાં ભારતીય કૃષિ સંશોધન સંસ્થામાં PM કિસાન સન્માન સંમેલન 2022નું પણ ઉદ્ઘાટન કર્યું છે. જેમાં એગ્રીકલ્ચર સ્ટાર્ટઅપ કોન્કલેવ અને એક્ઝિબિશનનું આયોજન કરવામાં આવ્યું છે. લગભગ 300 સ્ટાર્ટઅપ્સે તેમની ચોકસાઇવાળી ખેતી સંબંધિત નવીનતાઓનું પ્રદર્શન કર્યું છે.

• PM મોદીએ રસાયણ અને ખાતર મંત્રાલય હેઠળ 600 પ્રધાનમંત્રી કિસાન સમૃદ્ધિ કેન્દ્રો (PMKSKs) પણ શરૂ કર્યા.
• આ અંતર્ગત, ખેડૂતોની જરૂરિયાતોને પહોંચી વળવા માટે દેશમાં 3.3 લાખથી વધુ છૂટક ખાતરની દુકાનોને PMKSKમાં રૂપાંતરિત કરવામાં આવશે.

ઈન્ડિયા બ્રાન્ડ યુરિયા લોન્ચ
PM કિસાન સન્માન સંમેલનમાં વડાપ્રધાનના વન નેશન વન ફર્ટિલાઇઝરનું પણ લોન્ચિંગ કરવામાં આવ્યું હતું. આ યોજના હેઠળ વડાપ્રધાને ભારત યુરિયા બેગ્સ લોન્ચ કરી, જે કંપનીઓને “ભારત” નામના સિંગલ બ્રાન્ડ હેઠળ ખાતરનું માર્કેટિંગ કરવામાં મદદ કરશે.

Historic day for farmer welfare. Launching initiatives for fulfilling the aspirations of our 'Annadatas'. https://t.co/XSfZ1okHUW

— Narendra Modi (@narendramodi) October 17, 2022

ઈ-મેગેઝિન ‘ઈન્ડિયન એજ’ લોન્ચ
આ ઉપરાંત વડાપ્રધાને ખાતર પર ઈ-મેગેઝિન ‘ઈન્ડિયન એજ’ પણ લોન્ચ કર્યું છે. તે સ્થાનિક અને આંતરરાષ્ટ્રીય ખાતરની સ્થિતિ વિશે માહિતી આપશે. તેમાં તાજેતરના વિકાસ, ભાવ વલણ વિશ્લેષણ, ઉપલબ્ધતા અને વપરાશ, ખેડૂતોની સફળતાની વાર્તાઓનો સમાવેશ થાય છે.

આ કાર્યક્રમમાં કેન્દ્રીય કૃષિ મંત્રી નરેન્દ્ર સિંહ તોમર, કેન્દ્રીય ખાતર અને રસાયણ મંત્રી મનસુખ માંડવિયા પણ હાજર રહ્યા હતા. PM કિસાન સન્માન સંમેલન 2022ના આયોજનનો ઉદ્દેશ્ય દેશભરમાંથી 13,500થી વધુ ખેડૂતો અને લગભગ 1,500 કૃષિ સ્ટાર્ટઅપ્સને એકસાથે લાવવાનો છે.

મહત્ત્વપૂર્ણ મુદ્દાઓ….

• આજે દેશમાં 600થી વધુ પ્રધાનમંત્રી કિસાન સમૃદ્ધિ કેન્દ્રો શરૂ થઈ રહ્યા છે. આ એક કેન્દ્ર છે જે ખેડૂતને દરેક જરૂરિયાતમાં મદદ કરે છે.
• આ એવા કેન્દ્રો હશે જ્યાં માત્ર ખાતર જ નહીં, પરંતુ બિયારણ, સાધનસામગ્રી, માટી પરીક્ષણ, ખેડૂતને જે પણ માહિતીની જરૂર હોય તે આ કેન્દ્રો પર એક જ જગ્યાએ ઉપલબ્ધ હશે.
• આજે PM કિસાન સન્માન નિધિના રૂપમાં દેશના કરોડો ખેડૂતોના ખાતામાં 16,000 કરોડ રૂપિયાનો વધુ એક હપ્તો જમા કરવામાં આવ્યો છે.
• આજે ‘વન નેશન, વન ફર્ટિલાઈઝર’ના રૂપમાં ભારત બ્રાન્ડ હેઠળ ખેડૂતોને સસ્તા અને ગુણવત્તાયુક્ત ખાતર આપવા માટેની યોજના પણ શરૂ કરવામાં આવી છે.