Ram Mandir: રામસેતુ જ્યાંથી બન્યો હતો ત્યાં PM મોદીએ કરી પૂજા, જાણો ધનુષકોડી વિશેની રોચક વાર્તા

રામેશ્વરમ દ્વીપની દંતકથા

પીએમ મોદીએ શનિવારે શ્રીરંગમ અને રામેશ્વરમમાં શ્રી રંગનાથસ્વામી અને અરુલમિગુ રામનાથસ્વામી મંદિરોની મુલાકાત લીધી હતી. અગ્નિ તીર્થ બીચ પર સ્નાન કર્યા બાદ તેમણે ભગવાન રામનાથસ્વામી મંદિરમાં પૂજા કરી હતી. રુદ્રાક્ષની માળા પહેરેલા જોવા મળેલા મોદીએ તમિલનાડુના પ્રાચીન શિવ મંદિર રામનાથસ્વામીમાં પૂજા કરી હતી. પૂજારીઓએ પરંપરાગત રીતે મોદીનું સ્વાગત કર્યું હતું. મોદીએ મંદિરમાં કરવામાં આવેલા ભજનમાં પણ ભાગ લીધો હતો.

તમિલનાડુના રામનાથપુરમ જિલ્લાના રામેશ્વરમ દ્વીપમાં સ્થિત શિવ મંદિર પણ રામાયણ સાથે સંબંધિત છે. કહેવાય છે કે ભગવાન રામે અહીં શિવલિંગની સ્થાપના કરી હતી. ભગવાન રામ અને સીતા દેવીએ અહીં પૂજા કરી હતી. અહીં જ વિભીષણ શ્રી રામને પ્રથમ વખત મળ્યા હતા અને તેમની પાસે આશ્રય માંગ્યો હતો. દંતકથાઓ એવું પણ કહે છે કે આ તે સ્થાન છે જ્યાં શ્રી રામે વિભીષણનો રાજ્યાભિષેક કર્યો હતો.

 પ્રાણ પ્રતિષ્ઠા સમારોહમાં વડાપ્રધાન મોદી મુખ્ય યજમાન હશે

Ayodhya Ram Mandir: અયોધ્યામાં રામ મંદિરની પ્રાણ પ્રતિષ્ઠા સમારોહને હવે માત્ર એક જ દિવસ બાકી છે. આવતી કાલે યોજાનાર સમારોહમાં વડાપ્રધાન નરેન્દ્ર મોદી મુખ્ય યજમાન હશે. આ ભવ્ય કાર્યક્રમમાં માત્ર દેશમાંથી જ નહીં પરંતુ વિદેશમાંથી પણ મહેમાનો આ ક્ષણની સાક્ષી બનવા આવી રહ્યા છે. દરમિયાન પીએમ મોદીની અયોધ્યા મુલાકાતનો સત્તાવાર કાર્યક્રમ બહાર આવ્યો છે.