PM મોદી લાલ કૃષ્ણ અડવાણીને જન્મદિવસે શુભેચ્છા પાઠવવા પહોંચ્યા, કરી ખાસ ચર્ચા!

રક્ષા મંત્રી રાજનાથ સિંહે અભિનંદન પાઠવ્યા..
ટ્વીટ કરી કહ્યું- આદરણીય લાલકૃષ્ણ અડવાણીજીને તેમના જન્મદિવસ પર ઘણી શુભેચ્છાઓ. તેમની ગણતરી ભારતીય રાજનીતિની સૌથી દિગ્ગજ વ્યક્તિઓમાં થાય છે. તેમણે દેશ, સમાજ અને પક્ષની વિકાસયાત્રામાં ખૂબ મહત્ત્વનું યોગદાન આપ્યું છે. હું તેમને સારા સ્વાસ્થ્ય અને લાંબા આયુષ્યની શુભેચ્છા પાઠવું છું.

आदरणीय आडवाणीजी के आवास पर जाकर उन्हें जन्मदिवस की शुभकामनाएँ दीं। मैं भगवान से उनके अच्छे स्वास्थ्य और लम्बी आयु की कामना करता हूँ। pic.twitter.com/f5kWvMZCbN

— Rajnath Singh (@rajnathsingh) November 8, 2022

અડવાણી 14 વર્ષના હતા ત્યારથી સંઘમાં જોડાઈ ગયા
લાલકૃષ્ણ અડવાણીનો જન્મ 8 નવેમ્બર 1927ના રોજ અવિભાજિત ભારતના સિંધ પ્રાંતમાં થયો હતો. તેમના પિતાનું નામ કૃષ્ણચંદ ડી અડવાણી અને માતાનું નામ જ્ઞાની દેવી હતું. તેમણે પોતાનું સ્કૂલિંગ પાકિસ્તાનના કરાચીમાં કર્યું હતું. બાદમાં તેઓ સિંધની કોલેજમાં જોડાયા હતા. જ્યારે દેશનું વિભાજન થયું ત્યારે તેમનો પરિવાર મુંબઈ આવી ગયો હતો. અહીં તેમણે કાયદાનો અભ્યાસ કર્યો હતો. અડવાણી 14 વર્ષના હતા ત્યારે સંઘમાં જોડાયા હતા.

• 1951માં તેઓ શ્યામા પ્રસાદ મુખર્જી દ્વારા સ્થાપિત જનસંઘમાં જોડાયા.
• 1977માં તેઓ જનતા પાર્ટીમાં જોડાયા. તેઓ ભાજપના સ્થાપક સભ્ય છે.
• ભાજપ સાથે અડવાણીએ ભારતીય રાજકારણનો માર્ગ બદલી નાખ્યો.
• અડવાણીએ આધુનિક ભારતમાં હિંદુત્વની રાજનીતિનો પ્રયોગ કર્યો. તેમનો પ્રયોગ ઘણો સફળ રહ્યો.
• ભારતીય જનતા પાર્ટીએ 1984માં 2 બેઠકોની સફર શરૂ કરી હતી અને 2014માં પૂર્ણ બહુમતી સુધી પહોંચી હતી.

1990માં રથયાત્રા કાઢવામાં આવી..
અડવાણીએ રામ મંદિરના નિર્માણ માટે સમર્થન મેળવવા 25 સપ્ટેમ્બર 1990ના રોજ સોમનાથથી રથયાત્રા શરૂ કરી હતી. આ રથયાત્રાએ ઘણી હેડલાઈન્સ બનાવી અને ચર્ચામાં રહી હતી. અડવાણી તેમના જુસ્સાદાર અને તેજસ્વી ભાષણોને કારણે હિન્દુત્વના હીરો બની ગયા હતા. તેઓ ઘણી વખત ભાજપના રાષ્ટ્રીય અધ્યક્ષ પણ રહ્યા હતા. અડવાણી 2002થી 2004 સુધી દેશના નાયબ વડાપ્રધાન પણ હતા.