વિનેશ ફોગાટ સાથે શું થયું, સરકારે શું લીધા એક્શન...રમતગમત મંત્રી મનસુખ માંડવિયાએ લોકસભામાં જણાવ્યું

PM મોદીએ મેળવી માહિતી: મનસુખ માંડવિયા

કેન્દ્રીય રમતગમત મંત્રી મનસુખ માંડવિયાએ લોકસભામાં કહ્યું કે, પીએમ મોદીએ આ અંગે ભારતીય ઓલિમ્પિક સંઘના અધ્યક્ષ પીટી ઉષા સાથે ફોન પર વાત કરી અને તેમણે આ સમગ્ર મામલે માહિતી મેળવી છે. સાથે જ તેમણે એવી પણ માહિતી મેળવી કે હવે ભારતની પાસે ક્યા વિકલ્પો છે. પીએમ મોદીએ વિનેશ ફોગાટના મામલામાં મદદ માટે તમામ વિકલ્પો પર વિચાર કરવા માટે કહ્યું છે. પીએમ મોદીએ પીટી ઉષાને વિનંતી કરી કે તેઓ વિનેશ ફોગાટને મદદ કરવા માટે તેમની અયોગ્યતા સામે સખત વિરોધ નોંધાવે.

લગભગ 100 ગ્રામ વધારે હતું વજનઃ મનસુખ માંડવિયા

તેણે વધુમાં કહ્યું કે, ભારતીય રેસલર વિનેશ ફોગાટને નિર્ધારિત કેટેગરીમાં વધારે વજન હોવાના કારણે પેરિસ ઓલિમ્પિકમાંથી બહાર થવું પડ્યું. વિનેશ ફોગાટ 50 કિલોગ્રામની કેટેગરીમાં રમે છે. તેમનું વજન લગભગ 100 ગ્રામ વધારે હતું, જેના પછી તેમને ઓલિમ્પિક મહિલા કુસ્તીમાંથી અયોગ્ય જાહેર કરવામાં આવ્યા. ભારતે અયોગ્યતા સામે સખત વિરોધ વ્યક્ત કર્યો છે.

#WATCH | Union Sports Minister Mansukh Mandaviya speaks on the issue of disqualification of Indian wrestler Vinesh Phogat from #ParisOlympics2024

He says, "…Today her weight was found 50 kg 100 grams and she was disqualified. The Indian Olympic Association has lodged a strong… pic.twitter.com/7VkjoQQyIM

— ANI (@ANI) August 7, 2024

દેશવાસીઓએ વ્યક્ત કર્યો વિરોધ

આ અંગે વિપક્ષે ગૃહમાંથી વોકઆઉટ કર્યું હતું. વિપક્ષનું કહેવું છે કે સરકારે એ નથી જણાવ્યું કે વિનોશ ફોગાટના અયોગ્ય જાહેર થવા પાછળ કોણ જવાબદાર છે. તમને જણાવી દઈએ કે દેશને વિનોશ ફોગાટ પાસેથી ગોલ્ડ મેડલની આશા હતી. મેચ પહેલા જ તેમને અયોગ્ય જાહેર કરવામાં આવ્યા અને ઓલિમ્પિકમાંથી બહાર કરવામાં આવ્યા. જેને લઈને દેશવાસીઓમાં રોષ જોવા મળી રહ્યો છે. લોકોએ સોશિયલ મીડિયા પર આનો ઉગ્ર વિરોધ વ્યક્ત કર્યો છે.