પરિમલ નથવાણીના પુત્ર ધનરાજ નથવાણી બન્યા GCAના પ્રમુખ, જાણો કોણ બન્યું સેક્રેટરી, ખજાનચી

પિતાએ પુત્રને પાઠવ્યા અભિનંદન
ગુજરાત ક્રિકેટ એસોશિએશનની 86મી વાર્ષિક સભા આજે મળી હતી. દરમિયાન તમામ સભ્યોએ બીસીસીઆઈ સેક્રેટરી, એશિય ક્રિકેટ કાઉન્સીલના ચેરમેન તથા આસીસી ફાઈનાન્સ અને કોમર્શિયલ અફેર્સ કમિટિના પ્રમુખ જય શાહનું અભિવાદન કરવામાં આવ્યું હતું અને તેમણે પણ દરેકને અભિનંદન પાઠવ્યા હતા. આજે મળેલી વાર્ષિક સાધારણ સભામાં સંસદ સભ્ય અને રિલાયન્સના કોર્પોરેટ અફેર્સના ડાયરેક્ટર પરિમલ નથવાણીના પુત્ર ધનરાજ નથવાણીને ગુજરાત ક્રિકેટ એસોશિએશનના પ્રમુખ પદ પર ચૂંટી કાઢવામાં આવ્યા છે. આ અંગે તેમણે પોતે પણ પોતાના દિકરાને સોશિયલ મીડિયા પર અભિનંદન પાઠવ્યા હતા. અને વિશ્વાસ વ્યક્ત કર્યો હતો કે હવે ગુજરાત ક્રિકેટ વધુ ઉંચાઈ પર પહોંચશે.

બિન હરીફ વિજેતા જાહેર
આ દરમિયાન ચૂંટણી અધિકારી વરેશ સિન્હા દ્વારા ટર્મ 2022થી 25 સુધીના હોદ્દેદારોને બિન હરીફ વિજેતા જાહેર કરવામાં આવ્યા હતા. જેમાં પ્રમુખ તરીકે ધનરાજ નથવાણી, ઉપ પ્રમુખ તરીકે હેમંત કોન્ટ્રાક્ટર, સેક્રેટરીના પદ માટે અનિલ પટેલ, જોઈન્ટ સેક્રેટરીના પદ માટે મયુર પટેલ તથા ખજાનચી તરીકે ભરત માંડલિયાને જાહેર કરવામાં આવ્યા હતા.

Congratulations to Dhanraj Nathwani for being elected as President of Gujarat Cricket Association. My best wishes to him & the newly elected @GCAMotera team. I am confident that the team’s experience & commitment will take #Gujarat Cricket to new heights.@BCCI @DhanrajNathwani pic.twitter.com/2MHj3unb7m

— Parimal Nathwani (@mpparimal) November 19, 2022

(વીથ ઈનપુટઃ ગોપી ઘાંઘર, અમદાવાદ)