પાલઘરની કેમિકલ કંપનીમાં બોઈલર ફાટ્યું, 3ના મોત, ઘણા લોકો ઘાયલ

બોઈલરનો ધડાકો થતા ગંભીર પરિણામ
મહારાષ્ટ્રના પાલઘર ખાતે આવેલી બોઈસર એમઆઈડીસીમાં આવેલી એક કેમિકલ કંપનીના બોઈલરમાં બુધવારે બોઈલર ફાટ્યું હતું. આ બોઈલર ફાટવા અંગે ફાયર વિભાગનું એવું કહેવું છે કે, લોકોને બહાર કાઢવાના પ્રયત્નો અમે કરી રહ્યા છીએ અને અમારી ટીમ સ્થળ પર હાજર છે તે આગને કાબુમાં કરી લેશે. જોકે બોઈલર કેમ ફાટ્યું તેની જાણકારી હાલ પ્રારંભિક ધોરણે સામે આવી રહી નથી. શક્ય છે કે બાદમાં તપાસ દરમિયાન તે અંગે સત્તાવાર વિગતો મળી રહે જોકે હાલ એટલી જ આશંકાઓ છે કે કેમિકલ લીકેજ થયું હોઈ શકે છે.

ઘાયલોને હોસ્પિટલ લઈ જવાયા
પાલઘરની ઘટનાએ લગભગ દરેકને ચિંતામાં મુકી દીધા છે. આ મામલાની જાણ થતા રાહત કાર્યો શરૂ કરી દેવાયા છે જ્યારે અંદર કેટલા લોકો હજુ પણ ફસાયેલા છે તેની સત્તાવાર વિગતો બહાર આવી નથી. આ ઘટનામાં 3 વ્યક્તિના મોત નિપજ્યા છે જ્યારે ઘાયલ થયેલા વ્યક્તિઓને તુરંત સારવાર માટે હોસ્પિટલ ખસેડવામાં આવ્યા છે.

અગાઉ પણ બની હતી ઘટના
તમને જણાવી દઈએ કે આ પહેલા 25 સપ્ટેમ્બરે અમરાવતીની સરકારી જિલ્લા મહિલા હોસ્પિટલના નિયોનેટલ સુપિરિયોરિટી વિભાગ (SNCU)માં આગ લાગી હતી. જ્યારે આગ લાગી ત્યારે વોર્ડમાં 35 નવજાત શિશુ દાખલ હતા. જેમાં ચાર બાળકોને ઓક્સિજન મુકી અન્ય હોસ્પિટલમાં ખસેડાયા હતા. સદનસીબે ફાયર વિભાગે સમયસર આગ પર કાબુ મેળવી લીધો હતો અને કોઈ જાનહાની થઈ ન હતી.