15મી ઓગસ્ટે આ પાકિસ્તાનીએ એવી ભેટ આવી કે ભારતીયો દિલ ખોલીને વખાણ કરી રહ્યા છે

રબાબ પર વગાડ્યું ભારતનું રાષ્ટ્રગીત
સોશિયલ મીડિયા પર પાકિસ્તાનના રબાબ આર્ટિસ્ટ સિયાલ ખાનનો વીડિયો વાઈરલ થઈ રહ્યો છે. જેને સ્વતંત્રતાના ખાસ અવસર પર ભારતને લોકો ખાસ પસંદ કરી રહ્યા છે. વીડિયોમાં રાષ્ટ્રગીતની મધુર ધુન સાથે સાથે સુંદર પહાડોનો નજારો પણ દેખાઈ રહ્યો છે. ભારતના રાષ્ટ્રગીતની ધુનને રબાબ પર વગાડી રહેલા સિયાલ ખાને વીડિયો શેર કરતા એક ખાસ મેસેજ પણ લખ્યો છે. સિયાલ ખાને વીડિયોને શેર કરતા લખ્યું કે, ‘સરહદ પાર મારા વ્યૂઅર્સ માટે એક ભેટ.’

Here’s a gift for my viewers across the border. ???? pic.twitter.com/apEcPN9EnN

— Siyal Khan (@siyaltunes) August 14, 2022

ભારતની આઝાદીના સેલિબ્રેશનમાં જોડાયો પાકિસ્તાની
ખાસ વાત એ છે કે સિયાલ ખાન આ પહેલા ઘણીવાર ભારતીય ગીતની ધુનને પોતાના રબાબ દ્વારા વગાડીને લોકોના દિલ જીતી ચૂક્યા છે. થોડા દિવસો પહેલા જ તેણે આમિર ખાનની ફિલ્મ ફનાના એક ગીતને વગાડતો વીડિયો શેર કર્યો હતો. પાકિસ્તાન અને હિન્દુસ્તાનની સરહદ ભલે અલગ છે, પરંતુ કલાકારો માટે આજે પણ બંને દેશ એક જેવા જ છે. તેનું જ એક મોટું ઉદાહરણ સિયાલ ખાન છે, જેણે ભારતની આઝાદીનું સેલિબ્રેશન પોતાના અંદાજમાં મનાવીને સોશિયલ મીડિયા પર લોકોની વાહવાહી મેળવી છે.

Thank you @siyaltunes for this on our Independence Day.
Looking forward to a day in the future when there will be better relations between both India and Pakistan. https://t.co/uZTHJlgpQR

— Amarjyoti Borah (@AmarjyotiBorah1) August 15, 2022

લાખો લોકોએ જોયો સિયાલ ખાનનો વીડિયો
સિયાલ ખાને વીડિયો પાકિસ્તાનના સ્વતંત્રતા દિવસ એટલે કે 14મી ઓગસ્ટે રિલીઝ કર્યો હતો. અત્યાર સુધી આ વીડિયોને લાખો લોકો જોઈ ચૂક્યા છે. વીડિયો પર મોટી સંખ્યામાં ભારતીય લોકો પ્રશંસા કરી રહ્યા છે અને સિયાલ ખાનને સ્વતંત્રતા દિવસની શુભકામના પાઠવી રહ્યા છે.