હવે બિલ પેમેન્ટ માટે મોબાઈલ નંબર આપવો ફરજિયાત નથી, સરકારે જાહેર કરી એડવાઈઝરી

બિલ પેમેન્ટના નામે, ઓફરના નામે, વોરંટી આપવાના નામે, સેવા ન પહોંચાડવા જેવા કારણો દર્શાવીને અવારનવાર અમારી પાસે મોબાઈલ નંબર માંગવામાં આવે છે. જ્યારે આ તમામ બાબતો અનફેર ટ્રેડ પ્રેક્ટિસની શ્રેણીમાં આવે છે. મોબાઈલ નંબરને ગ્રાહકની ઓળખ બનાવવી એ બજારમાં સામાન્ય બાબત બની ગઈ છે. ઘણી વખત અમારી પાસેથી બળજબરીથી અમારો નંબર પણ લેવામાં આવે છે. નંબર આપ્યા બાદ ગોપનીયતાના ભંગ ઉપરાંત સ્પામ કોલ્સ અને મેસેજ આવવા સામાન્ય વાત છે.

ગ્રાહકોની ફરિયાદો મળ્યા બાદ પગલાં લેતા સરકારે એડવાઈઝરી જારી કરી છે. હવે દુકાનદારો ગ્રાહકો પર તેમના મોબાઈલ નંબર આપવા માટે દબાણ નહીં કરી શકે. તે ગ્રાહકો પર નિર્ભર કરશે કે તેઓ તેમનો મોબાઈલ નંબર શેર કરવા માંગે છે કે નહીં. ગ્રાહક બાબતોના મંત્રાલયે આ પ્રથાને સમાપ્ત કરવા માટે પગલાં લીધાં છે અને એક એડવાઇઝરી જારી કરી છે. જે મુજબ ગ્રાહકને પોતાનો મોબાઈલ નંબર શેર કરવાનો અધિકાર છે જો ગ્રાહક ન ઈચ્છે તો તેમનો નંબર માટે દબાણ ન નાખી શકાય.

ગ્રાહક બાબતોના મંત્રાલયના જણાવ્યા અનુસાર, કોઈ પણ દુકાનદાર કોઈ ગ્રાહકને તેના મોબાઈલ નંબર માટે દબાણ કરી શકે નહીં. ગ્રાહક સુરક્ષા કાયદા હેઠળ આ એક અયોગ્ય વેપાર પ્રથા છે. રિટેલ ઇન્ડસ્ટ્રી, CII, FICCI અને ASSOCHAM જેવી ઇન્ડસ્ટ્રી ચેમ્બર્સને આ સમસ્યાના ઉકેલ માટે એડવાઇઝરી જારી કરવામાં આવી છે. આ મુજબ હવે કોઈપણ વિક્રેતા પોતાના ગ્રાહક પર તેના મોબાઈલ નંબર માટે દબાણ નહીં કરી શકે.