NEET-UGનું ફાઈનલ પરિણામ જાહેર, બદલાયા 4 લાખ ઉમેદવારોના રેન્ક, આવી રીતે ચેક કરો સ્કોર કાર્ડ

ટોપ સ્કોરરની સંખ્યા 17 થઈ

તમને જણાવી દઈએ કે, 4 જૂને જાહેર થયેલા પરિણામમાં 67 વિદ્યાર્થીઓએ ટોપ રેન્ક મેળવ્યો હતો. જોકે, IIT-દિલ્હીની નિષ્ણાત સમિતિના આધારે સુપ્રીમ કોર્ટના નિર્ણયમાં વિવાદિત પ્રશ્ન માટે માત્ર એક જ સાચો વિકલ્પ સ્વીકારવાનો આદેશ આપ્યો હતો. આ એડજસ્ટમેન્ટ લગભગ 4.2 લાખ વિદ્યાર્થીઓના માર્ક્સ પર અસર કરશે જેમણે પહેલાથી જ સ્વીકૃત જવાબ પસંદ કર્યા હતા, જે ટોપ સ્કોરરની સંખ્યા 61 થી ઘટાડીને અંદાજિત 17 સુધી પહોંચાડશે.

NEET UG રિવાઇઝ્ડ સ્કોરકાર્ડ 2024 કેવી રીતે જોવું?

• સ્ટેપ 1: ઉમેદવારો પહેલા NTAની સત્તાવાર વેબસાઇટ exam.nta.ac.in/NEET પર જાઓ.
• સ્ટેપ 2: "NEET-UG Revised Score Card" માટેની લિંક પર ક્લિક કરો.
• સ્ટેપ 3: અહીં તમારા લૉગિન ક્રેન્ડેશિયલ દાખલ કરો અને સબમિટ કરો.
• સ્ટેપ 4: હવે સ્ક્રીન પર પ્રદર્શિત થયેલ સુધારેલું સ્કોરકાર્ડ જુઓ.
• સ્ટેપ 5: ભાવિ સંદર્ભ માટે એક નકલ ડાઉનલોડ કરો અને સાચવો.

નોંધનીય છે કે NEET UG સુધારેલ સ્કોરકાર્ડ 2024 ના પ્રકાશન પછી તરત જ કાઉન્સેલિંગ પ્રક્રિયા શરૂ થશે. સુધારેલા સ્કોર કાર્ડના પ્રકાશન પછી, મેડિકલ કાઉન્સેલિંગ કમિટી (MCC) NEET-UG કાઉન્સેલિંગ માટે નોંધણી પ્રક્રિયા શરૂ કરશે. આ પ્રક્રિયા સમગ્ર ભારતમાં MBBS અને BDS કાર્યક્રમોમાં પ્રવેશ નક્કી કરે છે. નોંધણી દરમિયાન, ઉમેદવારો પસંદગી-ફાઈલિંગના તબક્કે કોલેજો અને અભ્યાસક્રમો માટે તેમની પસંદગીઓ પસંદ કરી શકે છે.