VIDEO: Salman Khan ના ઘરની બહાર ફાયરિંગના CCTV આવ્યા સામે, કેમેરામાં કેદ થયા દ્રશ્યો

હુમલાખોર ગુનામાં પકડાયો હોવાનો પણ એક્સક્લુઝિવ વીડિયો. વીડિયોમાં જોઈ શકાય છે કે બે બાઈક સવાર બદમાશો આવ્યા અને ફાયરિંગ શરૂ કરી દીધું. ફાયરિંગ કરીને આરોપીઓ ત્યાંથી ભાગી ગયા હતા. ફાયરિંગ થયું ત્યારે સલમાન તેના ઘરે હતો અને અગાઉ પણ તેમને લોરેન્સ બિશ્નોઈ-ગોલ્ડી બ્રાર ગેંગ તરફથી જાનથી મારી નાખવાની ધમકીઓ મળેલી છે.

ફોરેન્સિક ટીમે ઘટના સ્થળે તપાસ કરી હતી

ઘટનાની જાણ થતાં જ મુંબઈ પોલીસ, ક્રાઈમ બ્રાન્ચ અને ફોરેન્સિક નિષ્ણાતોની ટીમ ઘટનાસ્થળે પહોંચી ગઈ હતી. સલમાનના ઘરની બહાર પણ સુરક્ષા વધારી દેવામાં આવી છે. હુમલાખોરોની ઓળખ માટે નજીકના સીસીટીવી ફૂટેજની પણ તપાસ કરવામાં આવી રહી છે અને લોકોની પૂછપરછ પણ કરવામાં આવી રહી છે.

ફેન્સ ચિંતામાં મુકાયા

બોલિવૂડ સુપરસ્ટાર સલમાન ખાનના ઘરની બહાર ફાયરિંગના સમાચાર સામે આવતા જ ફેન્સ ચિંતામાં મુકાયા છે. દરેક વ્યક્તિ સલમાન ખાનની સુરક્ષાને લઈને ચિંતિત છે, કારણ કે છેલ્લા ઘણા સમયથી સલમાનને ગેંગસ્ટર ગોલ્ડી બ્રાર અને લોરેન્સ બિશ્નોઈ તરફથી જાનથી મારી નાખવાની ધમકીઓ મળી રહી છે. આ પહેલા પણ સલમાન ખાન પર હુમલો કરવાનો પ્રયાસ કરવામાં આવી ચૂક્યો છે. આવી સ્થિતિમાં અભિનેતાના ઘરની બહાર ફાયરિંગનો મામલો ઘણો ગંભીર છે.