IPL 2023 પહેલા MS Dhoniએ પ્રેક્ટિસ શરૂ કરી, નેટ્સમાં છગ્ગા-ચોગ્ગા મારતા દેખાયો, જુઓ વીડિયો

ધોનીની બેટિંગ જોવા ફેન્સ આતુર
સોશિયલ મીડિયા પર વાઈરલ થઈ રહેલા આ વીડિયોમાં તમે જોઈ શકો છો કે ધોની જૂના અંદાજમાં દેખાય છે. ધોની પોતાના અભ્યાસમાં મોટા શોટ્સ સાથે ડિફેન્સિવ પ્રેક્ટિસ કરતા દેખાય છે. આ વખતે IPLમાં ફેન્સને આશા છે કે તેના બેટથી મોટી ઈનિંગ્સ જોવા મળે. આ વખતે IPL હોમ એન્ડ અવે ફોર્મેટમાં હશે, જેનાથી તમામ ટીમો પોતાના હોમ ગ્રાઉન્ડ પર મેચ રમતા દેખાશે. એવામાં ચેન્નઈના હોમ ગ્રાઉન્ડ પર ધોનીને રમતા જોવા ફેન્સ આતુર છે.

 

View this post on Instagram

 

A post shared by MS Dhoni / Mahi7781 (@msdhonifansofficial)

ગત સીઝનમાં CSK 9માં ક્રમે રહી હતી
IPL 2022માં ચેન્નઈ સુપર કિંગ્સ 14માંથી 4 મેચ જીતવામાં સફળ રહી હતી. આ ઉપરાંત ટીમની કેપ્ટન્સીને લઈને પણ મોટો વિવાદ થયો હતો. શરૂઆતની મેચોમાં રવિન્દ્ર જાડેજા ટીમનો કેપ્ટન હતો, જેમાં ટીમનું પ્રદર્શન ખૂબ ખરાબ રહ્યું. આ બાદ એવી પણ ખબર આવી કે આગામી સીઝનથી જાડેજા ચેન્નઈથી અલગ થઈ જશે, જોકે અંતમાં બધુ ઠરીઠામ થઈ ગયું. જે બાદ ફરી ધોનીને જ કેપ્ટનશિપ આપવામાં આવી હતી.