ભારતમાં આ 20 પાસવર્ડનો સૌથી વધુ કરાય છે ઉપયોગ, એક સેકન્ડમાં થઈ શકે છે ક્રેક

આજકાલ આપણી પાસે એટલા બધા એકાઉન્ટ્સ હોય છે કે તેના પાસવર્ડ યાદ રાખવા મુશ્કેલ બની જાય છે. આવી સ્થિતિમાં લોકો એવા પાસવર્ડ રાખે છે જેને સરળતાથી યાદ રાખી શકાય. પરંતુ આવું કરવું (સરળ પાસવર્ડ રાખવા) ઘણું ભારે પડી શકે છે. ઘણી વખત યુઝર્સને કહેવામાં આવ્યું છે કે તેઓએ પાસવર્ડને લઈને સાવધાન રહેવું જોઈએ. કારણ કે સરળ પાસવર્ડને હેકર્સ એક સેકન્ડમાં તોડી નાખે છે અને પછી એકાઉન્ટ પર હાથ સાફ કરે છે. પરંતુ હજુ પણ ઘણા યુઝર્સ આનું પાલન કરતા નથી.

તાજેતરમાં જ નોર્ડપાસે એક લિસ્ટ જાહેર કર્યું છે, જેમાં ભારતમાં સૌથી વધુ ઉપયોગમાં લેવાતા પાસવર્ડ્સનો ખુલાસો કરવામાં આવ્યો છે. આ તમામ પાસવર્ડ ખૂબ જ સિમ્પલ છે અને તેને સરળતાથી તોડી શકાય છે.

1. 123456

2. admin

3. 12345678

4. 12345

5. password

6. Pass@123

7. 123456789

8. Admin@123

9. India@123

10. admin@123

11. Pass@1234

12. 1234567890

13. Abcd@1234

14. Welcome@123

15. Abcd@123

16. admin123

17. administrator

18. Password@123

19. Password

20. UNKNOWN

નોર્ડપાસે એક સર્વે કર્યો છે અને તેમાં કેટલીક બાબતો શેર કરી છે. સર્વેમાં જાણવા મળ્યું છે કે ફાઈનાન્શિયલ સર્વિસ પ્લેટફોર્મના પાસવર્ડ સૌથી મજબૂત હોય છે. પરંતુ NordPass મુજબ, લોકો સ્ટ્રીમિંગ એકાઉન્ટ્સ માટે સૌથી સરળ પાસવર્ડ સેટ કરે છે. ‘Admin’એ ભારતમાં બીજા નંબરનો સૌથી વધુ ઉપયોગમાં લેવાતો પાસવર્ડ છે.

લોકો નંબરના આધારે પણ પાસવર્ડ રાખે છે, જેમાંથી સૌથી ફેવરિટ પાસવર્ડ 123456 છે. ભારતમાં તેનો સૌથી વધુ ઉપયોગ થાય છે. નોર્ડપાસનું કહેવું છે કે, વિશ્વના સૌથી વધુ ઉપયોગમાં લેવાતા પાસવર્ડ્સમાં આ નંબરોની ટકાવારી 31% છે. India@124 પણ આમાંથી એક છે અને તે ખૂબ જ કોમન પાસવર્ડ છે.

રિપોર્ટમાં એમ પણ કહેવામાં આવ્યું છે કે, બ્રાઉઝર પર સેવ કરવામાં આવેલા પાસવર્ડ વધારે સુરક્ષિત નથી. આવી સ્થિતિમાં તમારે પાસવર્ડને અન્ય જગ્યાએ સેવ કરવા જોઈએ જેથી કરીને તે સુરક્ષિત રહે. સિક્યોરિટીને લઈને નોર્ડપાસનું કહેવું છે કે આ વર્ષની તેની લિસ્ટમાં રહેલા પાસવર્ડમાંથી લગભગ 70 ટકા પાસવર્ડ્સને એક સેકન્ડથી ઓછા સમયમાં ક્રેક કરી શકાય છે. આવી સ્થિતિમાં યુઝર્સે હંમેશા એવા પાસવર્ડ રાખવા જોઈએ જેને સરળતાથી ક્રેક ન કરી શકાય. સાથે જ એકાઉન્ટ પર હંમેશા ટુ-સ્ટેપ વેરિફિકેશન ઓન રાખવું જોઈએ.