સાવધાન! રવિવારે આવી રહ્યું છે ભયાનક તોફાન 'રેમલ', હવામાન વિભાગનું એલર્ટ; ગુજરાતની માથે કેટલો ખતરો?

પશ્ચિમ બંગાળમાં પૂર આવવાની સંભાવના

વાવાઝોડાને કારણે પશ્ચિમ બંગાળના દરિયાકાંઠાના જિલ્લાઓમાં પૂર આવવાની સંભાવના છે. હવામાન વિભાગના જણાવ્યા અનુસાર, 24 મેના રોજ મધ્ય અને તેને અડીને આવેલા દક્ષિણ બંગાળની ખાડીમાં સમુદ્રની સ્થિતિ ખરાબથી અત્યંત ખરાબ થવાની સંભાવના છે. તે 25 મેના રોજ સાંજથી ઓડિશાના દરિયાકાંઠે લગભગ 1.5 મીટર ઊંચા મોજાઓ ઉછળશે.

Well-marked Low Pressure Area over westcentral & adjoining south Bay of Bengal moved northeastwards during past 12 hours and lay over the same area at 1730 IST of 23 May. Very likely to concentrate into a Depression over central parts of Bay of Bengal by morning of 24th May. pic.twitter.com/6xnz7g1F2U

— India Meteorological Department (@Indiametdept) May 23, 2024

ભારે વરસાદ અને પવન ફૂંકાવાની ચેતવણી

હવામાન વિભાગ અનુસાર, રવિવારે ચક્રવાતને કારણે 102 કિલોમીટર પ્રતિ કલાકની ઝડપે પવન ફૂંકાઈ શકે છે. હવામાન કચેરીએ પશ્ચિમ બંગાળ, ઉત્તર ઓડિશા, મિઝોરમ, ત્રિપુરા અને દક્ષિણ મણિપુરના દરિયાકાંઠાના જિલ્લાઓમાં 26-27 મેના રોજ ભારે વરસાદની ચેતવણી આપી છે. દરિયામાં માછીમારી કરવા ગયેલા માછીમારોને 27 મે સુધી કિનારે પાછા ફરવા અને બંગાળની ખાડીમાં ન જવાની સલાહ આપવામાં આવી છે. 

દરિયાની સપાટીનું તાપમાન સૌથી વધુ નોંધાયું 

IMD એ ઉત્તર ઓરિસ્સા, બંગાળ, ત્રિપુરા, દક્ષિણ મણિપુર અને મિઝોરમમાં 26 અને 27 મેના રોજ ભારે વરસાદની ચેતવણી જારી કરી છે. હવામાન વિભાગના જણાવ્યા અનુસાર દરિયાની સપાટીનું તાપમાન છેલ્લા 30 વર્ષમાં સૌથી વધુ નોંધાયું છે. દરિયાની સપાટીના તાપમાનમાં વધુ ગરમ થવાનો અર્થ વધુ ભેજ છે, જે ચક્રવાતની તીવ્રતા માટે અનુકૂળ છે.