મહારાષ્ટ્ર સરકાર 20 દિવસની મહેમાન છે તેનું ડેથ વોરંટ બહાર પડી ચુક્યું છે : દિગ્ગજ નેતાના નિવેદનથી હડકંપ

સુપ્રીમ કોર્ટના કારણે થોડું મોડુ થયું નહી તો સરકાર ફેબ્રુઆરીમાં જ અંત આવશે
સંજય રાઉતે એક નિવેદનમાં જણાવ્યું કે, મહારાષ્ટ્રમાં શિંદે-ફડણવીસ સરકારનું ડેથ વોરન્ટ ઇશ્યું થઇ ચુક્યું છે. માત્ર તારીખોની જાહેરાત થવાની જ બાકી છે. મે પહેલા જ કહ્યું હતું કે, શિંદે સરકાર ફેબ્રુઆરીમાં જ પડી ભાંગશે તેવું પહેલા જ જણાવ્યું હતું. જો કે સુપ્રીમ કોર્ટનો ચુકાદો આવવામાં સમય લાગ્યો તેના કારણે સરકારને લાઇફ લાઇન મળી ગઇ હતી. જો કે તેમણે દાવો કર્યો કે આ સરકારનું જીવન હવે માત્ર 15-20 દિવસનું જ છે. આ સરકાર લાંબો સમય ખેંચી શકશે નહી. ટુંક જ સમયમાં તમે સાંભળી શકશો કે સરકાર પડીભાંગી છે.

ઉદ્ધવ પક્ષના બટકબોલા ગણાતા નેતાની વાતથી મહારાષ્ટ્રની રાજનીતિમાં હડકંપ
અત્રે ઉલ્લેખનીય છે કે, ઉદ્ધવ ઠાકરે જુથના બટકબોલા નેતા ગણાતા સંજય રાઉત અનેકવાર વિવાદિત નિવેદનો આપતા જ રહે છે. સીબીઆઇની પુછપરછ અને જેલવાસ બાદ તેમના સુર ઢીલા પડ્યા હતા. જો કે હવે આ સુર ફરી એકવાર કડક થયા છે. તેઓએ હવે શિંદે સરકાર વિરુદ્ધ ફરી એકવાર પોતાની ઉગ્ર શાબ્દિક ટપાટપી શરૂ કરી દીધી છે. તેવામાં તેમણે આપેલા નિવેદનના કારણે મહારાષ્ટ્રની રાજનીતિમાં ફરી એકવાર ગરમી આવી ગઇ છે. ભાજપ અને શિંદે સરકાર 15-20 દિવસમાં કઇ રીતે પડી ભાંગશે તે અંગે અલગ અલગ ક્યાસ લગાવવાનૂં શરુ થઇ ચુક્યું છે.