આખા સુરતમાં મફત મળી રહ્યું છે દુધ: સરકાર પણ જે ન કરી શકી તે માલધારીઓએ કરી દેખાડ્યું

ડભોળીમાં માલધારીઓનું ખાસ વિરોધ પ્રદર્શન
સુરતમાં તબેલા પર બુલડોઝર ફરી વળતા માલધારી સમાજે ઉગ્ર વિરોધ શરૂ કરી દીધો હતો. આ દરમિયાન માલધારી સમાજ મોટી સંખ્યામાં દૂધ ભરેલા કેન લઈને પહોંચી ગયા હતા. નોંધનીય છે કે આની સાથે જ તેમણે જાહેરાત કરી હતી કે આજે તેઓ દૂધ નહીં વેચે અને તમામ દૂધનું ફ્રીમાં લોકોને વિતરણ કરશે. આ અનોખા વિરોધ પ્રદર્શને લોકોનું ધ્યાન આકર્ષિત કર્યું છે.

દૂધ માટે ખાસ કાર્યક્રમનું આયોજન
માલધારીઓએ ત્યારપછી જાહેરમાં દૂધ પીવડાવવાનાં એક કાર્યક્રમનું આયોજન કર્યું હતું. જેમાં જનતાને તેઓ ફ્રીમાં દૂધ પીવડાવતા હતા. આ દરમિયાન લોકો ગ્લાસોને ગ્લાસો ભરીને દૂધ ગટગટાવી ગયા હતા. અહીં એટલા બધા દૂધના કેન હતા કે લોકોના પેટ ભરાઈ ગયા પરંતુ દૂધની માત્રા ઓછી થઈ નહોતી. માલધારીઓ આ દરમિયાન લોકોને દૂધ પીવા માટેની પ્રેરણા પણ આપી રહ્યા હતા.

With Input- સંજયસિંહ રાઠોડ