Lok Sabha election: લોકસભા ચૂંટણી પહેલા ભાજપમાં વિપક્ષી દળના ઢગલાબંધ નેતાઓ જોડાશે

સપા ધારાસભ્ય દ્વારા સિંહ ચૌહાણ ભાજપમાં જોડાઇ ચુક્યા છે. સુભાસપા અધ્યક્ષ ઓપી રાજભર અને એલજેપીના ચિરા પાસવાન પણ હવે ભાજપની સાથે છે. આ ઉપરાંત 24 જુલાઇના રોજ સપા અને આએલડીના અનેક નેતાઓ પાર્ટીમા જોડાશે. સુત્રોનું કહેવું છે કે, આરએલડી નેતા તથા પૂર્વ સાંસદ રાજપાલ સૈની ભાજપમાં જોડાઇ શકે છે. સપા નેતા જગદીશ સોનકર, સપા નેતા સુષમા પટેલ, ગુલાબ સરોજ અને પૂર્વ ધારાસભ્ય અંશુલ વર્મા પણ ભાજપમાં જોડાઇ શકે છે.

ભાજપના નેતૃત્વમાં ગત્ત 18 જુલાઇના રોજ દિલ્હીમાં એનડીએની મીટિંગ થઇ હતી. જેમાં સત્તાધારી દળે શક્તિપ્રદર્શન કર્યું હતું. આ બેઠકમાં 38 પાર્ટીઓએ ભાગ લીધો હતો. આ બેઠક પહેલા ઓપી રાજભરની સુહેલદેવ ભારતીય સમાજ પાર્ટી અને ચિરાગ પાસવાનની લોકજનશક્તિ પાર્ટી એનડીએમાં જોડાઇ ગઇ હતી.

વિપક્ષી દળોનું મહાગઠબંધન
એક તરફ જ્યાં એનડીએમાં પાર્ટીઓની સંખ્યા વધતી જઇ રહી છે. તો બીજી તરફ વિપક્ષી દળોએ પણ મહાગઠબંધન કરી લીધું છે. આ મહાગઠબંધનને ઇન્ડિયા નામ આપવામાં આવ્યું છે. તેમાં અત્યાર સુધીમાં 26 પાર્ટીઓનો સમાવેશ થાય છે. વિપક્ષી દળોની આગાી બેઠક મુંબઇ બોલાવવામાં આવી છે. જ્યાં આ મહાગઠબંધનના સંયોજકના નામની જાહેરાત કરવામાં આવશે.