ખાદીના ઉત્પાદનમાં 332 % અને વેચાણમાં 450 %નો વધારો

તેમણે કહ્યું કે, KVIC એ ગ્રામીણ વિસ્તારોમાં 9,54,899 નવી નોકરીઓનું સર્જન કરીને એક નવો સીમાચિહ્ન સ્થાપિત કર્યો છે. નાણાકીય વર્ષ 2013-23 વચ્ચે રૂ. 26,109 કરોડના ખાદી અને ગ્રામ્ય ઉદ્યોગોનું ઉત્પાદન હવે 268 ટકા વધીને 2023 સુધીમાં રૂ. 95,957 કરોડ સુધી પહોંચ્યું છે. આ ઉત્પાદનોનું વેચાણ તમામ રેકોર્ડ તોડીને 332 ટકાના સ્તરને પાર કરી ગયું છે. 2013માં વેચાણનો ગ્રાફ 31,154 કરોડ રૂપિયા હતો, જે 2023માં 1 લાખ 35 હજાર કરોડ રૂપિયા પર પહોંચી ગયો છે. આ એ વાતનો પુરાવો છે કે ‘મેક ઇન ઇન્ડિયા’, ‘વોકલ ફોર લોકલ’ અને ‘સ્વદેશી પ્રોડક્ટ્સ’ પર દેશના લોકોનો વિશ્વાસ વધ્યો છે.

‘નળ છે પણ જળ નથી’- ભાજપના તંત્રના વાતોના વડા વચ્ચે જામનગરમાં ટેન્કર રાજ યથાવત

ઉત્પાદન 2916 કરોડ સુધી પહોંચ્યું
તેમના જણાવ્યા પ્રમાણે, વર્ષ 2013-14માં જ્યાં ખાદીના કપડાંનું ઉત્પાદન રૂ. 811 કરોડ હતું, ત્યાં 260 ટકાના ઉછાળા સાથે તે નાણાકીય વર્ષ 2022-23માં રૂ. 2916 કરોડના આંકડા પર પહોંચી ગયું છે. ખાદી ફેબ્રિકના વેચાણમાં પણ છેલ્લા 9 નાણાકીય વર્ષમાં 450 ટકાની વૃદ્ધિ નોંધાઈ છે, જેણે એક નવો ઈતિહાસ રચ્યો છે. વર્ષ 2013-14માં જ્યાં તેનું વેચાણ રૂ. 1,081 કરોડ હતું, ત્યાં 2022-23માં તે 450 ટકા વધીને રૂ. 5,943 કરોડે પહોંચ્યું હતું. કોવિડ-19 પછી સમગ્ર વિશ્વમાં ઓર્ગેનિક કપડાની માગ વધી છે. આ કારણે ખાદીના કપડાની માગ પણ ઝડપથી વધી રહી છે.

મનોજ કુમારના કહેવા પ્રમાણે, વડાપ્રધાન નરેન્દ્ર મોદી દ્વારા દરેક પ્લેટફોર્મ પરથી ખાદીના પ્રચારની પણ ખાદીના કપડાંના વેચાણ પર ભારે અસર પડી છે. જેના કારણે ખાદી અને ગ્રામોદ્યોગ રોજગાર સર્જનનું નવું કેન્દ્ર બન્યા છે. સંચિત રોજગારનો નવો રેકોર્ડ બનાવતા, ખાદી અને ગ્રામોદ્યોગ આયોગે ગ્રામીણ વિસ્તારોમાં મહત્તમ રોજગારીની તકો પૂરી પાડવાનો રેકોર્ડ બનાવ્યો છે, 2013-14માં 13,038,444 ની સંચિત રોજગારી 2022-23 સુધીમાં 36 ટકાના વધારા સાથે 17,716,288 પર પહોંચી ગઈ છે. નાણાકીય વર્ષ 2013-14માં જ્યાં 5,62,521 નવી નોકરીઓનું સર્જન થયું હતું, તે નાણાકીય વર્ષ 2022-23માં 70 ટકા વધીને 9,54,899 પર પહોંચી ગયું છે.