EDની કાર્યવાહીથી કેજરીવાલે નરેન્દ્ર મોદી પર સાધ્યું નિશાન કહ્યું, તમે ED દ્વારા મનીષને બદનામ કરવાનું શરૂ કર્યું?

અરવિંદ કેજરીવાલે વડાપ્રધાન નરેન્દ્ર મોદી પર આક્ષેપ લગાવતા કહ્યું કે,વડા પ્રધાન, જ્યારે તમને મનીષ સિસોદિયા વિરુદ્ધ કંઈ ન મળ્યું, ત્યારે તમે ED દ્વારા મનીષને બદનામ કરવાનું શરૂ કર્યું? તમારી ED સાંજથી ટીવી ચેનલો પર ખોટા સમાચાર ચલાવી રહી છે કે મનીષ સિસોદિયાની 52 કરોડની સંપત્તિ જપ્ત કરવામાં આવી છે. ED દ્વારા ખરેખર જપ્ત કરાયેલી સંપત્તિના દસ્તાવેજો પણ ત્યાં છે. કુલ 80 લાખની સંપત્તિ જપ્ત કરવામાં આવી છે. તે પણ 2018 પહેલાં, જ્યારે આબકારી નીતિ બિલકુલ ઘડવામાં આવી ન હતી. સમગ્ર મિલકત એક નંબરની છે.

લોકોએ ક્યારેય વિચાર્યું ન હતું કે એક દિવસ એવો આવશે જ્યારે ભારત જેવા મહાન દેશને એવો વડાપ્રધાન મળશે જે આવા ખુલ્લેઆમ જુઠ્ઠાણા બોલીને પોતાના રાજકીય હરીફોને ખતમ કરવાનો પ્રયાસ કરશે. તમે પણ જાણો છો કે અસલી ભ્રષ્ટાચારીઓ કોણ છે. જો તમારામાં હિંમત હોય તો તેમને પકડીને બતાવો.

જુઓ ટ્વિટ

प्रधान मंत्री जी, जब आपको मनीष सिसोदिया के ख़िलाफ़ कुछ नहीं मिला तो आपने ED के ज़रिये मनीष को बदनाम करना चालू कर दिया?

आपकी ED शाम से टीवी चैनलों पर झूठी खबरें चलवा रही है कि मनीष सिसोदिया की 52 करोड़ की संपत्ति ज़ब्त की गयी। ED ने असल में जो संपत्ति ज़ब्त की है, उसके काग़ज़ात… https://t.co/zabjAPfwH3

— Arvind Kejriwal (@ArvindKejriwal) July 7, 2023

દિલ્હીના મંત્રી અને AAP નેતા આતિશીએ કહ્યું કે ભાજપ અને PM મોદી અમારા નેતા મનીષ સિસોદિયા વિશે જુઠ્ઠાણું ફેલાવી રહ્યા છે. મીડિયામાં એવા અહેવાલો ફેલાવવામાં આવી રહ્યા છે કે સિસોદિયાની કરોડોની સંપત્તિ જપ્ત કરવામાં આવી છે, પરંતુ EDના આદેશ મુજબ સિસોદિયાનું માત્ર એક બેંક ખાતું અને બે ફ્લેટ જ અટેચ કરવામાં આવ્યા છે. ઓર્ડર મુજબ, તે ચોક્કસ બેંક ખાતામાં બેલેન્સ 11.5 લાખ રૂપિયા છે અને બે ફ્લેટમાંથી, એક ફ્લેટ 2005માં ખરીદ્યો હતો અને તેની કિંમત માત્ર 5,07,000 રૂપિયા છે. બીજો ફ્લેટ 2018માં ખરીદ્યો હતો અને તેની કિંમત 65 લાખ રૂપિયા છે.

AAP सूत्रों के मुताबिक

ED ने जो मनीष सिसोदिया की दो प्रॉपर्टी अटैच की हैं उनका ब्यौरा इस तरह है

2005 में 5 लाख रुपए में खरीदा गया गाजियाबाद के वसुंधरा का फ्लैट

2018 में दिल्ली के मयूर विहार में खरीदा गया 65 लाख रुपये का फ़्लैट

आम आदमी पार्टी सूत्रों के मुताबिक यह दोनों ही… pic.twitter.com/acrlDJ91uj

— Sharad Sharma (@sharadsharma1) July 7, 2023

ED એ જપ્ત કરેલી મિલકતનો ઉલ્લેખ સોગંદનામામાં કર્યો હતો 
AAPના નેતા અને દિલ્હીના સ્વાસ્થ્ય મંત્રી સૌરભ ભારદ્વાજે કહ્યું કે દિલ્હીના પૂર્વ નાયબ મુખ્યમંત્રી મનીષ સિસોદિયા તેમજ અન્ય કેટલાક ઉદ્યોગપતિઓની સંપત્તિઓ જપ્ત કરવામાં આવી છે. EDને મનીષ સિસોદિયા વિરુદ્ધ કંઈ મળ્યું નથી. જો કરોડો રૂપિયાનો ભ્રષ્ટાચાર થયો હોય તો તેમાંથી કેટલીક સંપત્તિ મનીષ સિસોદિયા પાસે હોવી જોઈએ. ED એ મિલકતો જપ્ત કરી છે જેનો ઉલ્લેખ મનીષ સિસોદિયાએ 2020ની ચૂંટણી દરમિયાન તેમના સોગંદનામામાં કર્યો હતો. આ સમાચાર ચલાવવા ED માટે ખૂબ જ શરમજનક છે.