કર્ણાટકનો કકળાટ: હવે દલિતો-મુસ્લિમોએ પણ કહ્યું અમારા કારણે જીત્યા માટે CM અમારા બનાવો

લિંગાયતો ભાજપના પરંપરાગત મતદારો માનવામાં આવે છે. જો કે તેઓ કોંગ્રેસ તરફ વળવાથી આખુ ચિત્ર જ બદલાઇ ગયું હતું. કર્ણાટકમાં લિંગાયત અને વોક્કાલિગા સમુદાયોની નોંધપાત્ર વસ્તી છે. દરમિયાન દલિત સમાજ વતી એવી માંગણી પણ કરવામાં આવી છે કે તેમના નેતા જી. ઇશ્વરપ્પાને જ મુખ્યમંત્રી બનાવવા જોઈએ. તુમકુરમાં એક પ્રદર્શનમાં લોકોએ ‘દલિતને જ મુખ્યમંત્રી બનાવવો જોઈએ’ એવા પોસ્ટર લઈને જોવા મળ્યા હતા. એવું માનવામાં આવે છે કે આ પ્રદર્શન પણ જી. ઇશ્વરપ્પાની ઉશ્કેરણી પર જ થયું છે. જો કે કોંગ્રેસ માટે પહેલા બે જ વ્યક્તિ પડકાર હતી હવે ધીરે ધીરે પડકાર મોટો થઇ રહ્યો છે. કોંગ્રેસમાં સીએમ બનવા માટેની હરીફાઈ વધી ગઈ છે.

કોંગ્રેસ અધ્યક્ષ મલ્લિકાર્જુન ખડગેને લખેલા પત્રમાં અખિલ ભારતીય વીરશૈવ મહાસભાએ કહ્યું કે, કોંગ્રેસે લિંગાયતોને 46 ટિકિટ આપી અને 34 જીત્યા. લિંગાયતોના ઘણા મોટા નેતાઓ આ સંગઠન સાથે જોડાયેલા છે. તેના અધ્યક્ષ એસ. શિવશંકરપ્પા, જે કર્ણાટકના સૌથી વૃદ્ધ ધારાસભ્ય છે. આ વખતે તેઓ દાવણગેરે બેઠક પરથી જીત્યા છે. સંગઠને પત્રમાં કહ્યું, ‘અમે તમને જણાવવા માંગીએ છીએ કે તમે અમારા સમાજના મતોથી મોટી જીત મેળવી છે. અમારા સમાજે લગભગ 50 બેઠકો જીતવા અને હારવામાં તેની ભૂમિકા નક્કી કરી છે. આ દર્શાવે છે કે ભાજપના પરંપરાગત મતદારો કોંગ્રેસ તરફ તેમની વફાદારી બદલી ચૂક્યા છે. આ જ કારણ છે કે આ વખતે કોંગ્રેસને 134 બેઠકો મળી છે.

કોંગ્રેસને ચેતવણી, સીએમ નહીં બનાવો તો 2024માં દેખાડી દઇશું
કર્ણાટકમાં કુલ વસ્તીના 17 ટકા લિંગાયતો છે. 100 બેઠકો પર તેમની અસર જોવા મળી છે અને આ જ કારણ છે કે મોટાભાગની પાર્ટીઓ લિંગાયત નેતાઓને પ્રોત્સાહન આપે છે. સીએમની માંગણી કરતી વખતે લિંગાયત સંગઠને એમ પણ કહ્યું છે કે કોંગ્રેસે ધ્યાનમાં રાખવું જોઈએ કે જો અમને મુખ્યમંત્રી નહીં મળે તો તેની અસર સામાન્ય ચૂંટણીમાં જોવા મળશે. એટલા માટે અમારી માંગ છે કે લિંગાયત સમુદાયના કોઈ નેતાને જ સીએમ બનાવવામાં આવે. લિંગાયતો પરંપરાગત રીતે ભાજપના સમર્થક માનવામાં આવે છે, જ્યારે વોક્કાલિગાઓએ કોંગ્રેસનો પક્ષ લીધો છે.