‘શરમ આવવી જોઈએ’,ઈન્ડિગો પર ભડક્યા કપિલ શર્મા; સો.મીડિયા પર ધડાધડ કરી પોસ્ટ

ઈન્ડિગો પર લાલઘુમ થયા કપિલ શર્મા

તમને જણાવી દઈએ કે, તાજેતરમાં જ કોમેડિયન ઈન્ડિગોમાં મુસાફરી કરી રહ્યા હતા અને આ દરમિયાન તેમને ખૂબ જ ખરાબ અનુભવ થયો. જેના વિશે તેમણે સોશિયલ મીડિયા પર પોસ્ટ કરીને જણાવ્યું છે અને ‘ઈન્ડિગો’ની પોલ ખોલી દીધી છે. સૌથી પહેલા કપિલ શર્માએ એક્સ (અગાઉ ટ્વિટર) પર પોસ્ટ કરીને લખ્યું કે, ‘@IndiGo6E, પહેલા તમે અમને બસમાં 50 મિનિટ સુધી રાહ જોવડાવી અને હવે તમારી ટીમ કહી રહી છે કે પાયલોટ ટ્રાફિકમાં ફસાઈ ગયા છે, શું? ખરેખર? અમારે 8 વાગ્યા સુધીમાં ટેકઓફ કરવાનું હતું અને 9:20 વાગી ચૂક્યા છે, હજુ પણ કોકપિટમાં કોઈ પાઈલોટ નથી, શું તમને લાગે છે કે આ 180 મુસાફરો ફરી ઈન્ડિગોમાં ઉડાન ભરશે? ક્યારેય નહીં #indigo 6E 5149 #shameless.’

Dear @IndiGo6E first you made us wait in the bus for 50 minz, and now your team is saying pilot is stuck in traffic, what ? Really ? we supposed to take off by 8 pm n it’s 9:20, still there is no pilot in cockpit, do you think these 180 passengers will fly in indigo again ? Never…

— Kapil Sharma (@KapilSharmaK9) November 29, 2023

કપિલ શર્મા ભડક્યા

આ પછી તેમણે એક વીડિયો શેર કર્યો છે, જેમાં તમામ મુસાફરો ફ્લાઈટમાંથી બહાર નીકળતા જોવા મળી રહ્યા છે. આને શેર કરતા કપિલ શર્માએ કહ્યું કે, ‘હવે તેઓ પ્લેનમાંથી તમામ પેસેન્જર્સને ઉતારી રહ્યા છે અને કહી રહ્યા છે કે અમે તમને બીજા પ્લેનથી મોકલીશું પરંતુ ફરીથી અમારે સુરક્ષા તપાસ માટે ટર્મિનલ પર પરત જવું પડશે.’ આ સાથે જ તેમણે ઈન્ડિગોને થંબ ડાઉન બતાવ્યો છે. આના પરથી તે સ્પષ્ટ થઈ ગયું છે કે કપિલ શર્મા ઈન્ડિગો પર ઘણા નારાજ છે અને તેઓ ફરી ક્યારેય ઈન્ડિગોમાં મુસાફરી કરશે નહીં.

Now they r de boarding all the passengers n saying we will send you in another aircraft but again we have to go back to terminal for security check 👏👏👏👏👏 #indigo👎 pic.twitter.com/NdqbG0xByt

— Kapil Sharma (@KapilSharmaK9) November 29, 2023

વૃદ્ધ મુસાફરોને પડી મુશ્કેલીઓ

તમને જણાવી દઈએ કે, મામલો અહીં ન અટક્યો, આ પછી કપિલ શર્માએ એક એવો પણ વીડિયો અપલોડ કર્યો, જ્યારે મુસાફરો ઈન્ડિગો સ્ટાફ પર ગુસ્સે થઈ રહ્યા હતા. આ સમય દરમિયાન દરેક વ્યક્તિ ખૂબ જ ગુસ્સામાં દેખાય છે. ખાસ કરીને વૃદ્ધોને આ દરમિયાન ખૂબ જ તકલીફ પડી. આવી સ્થિતિમાં કપિલ શર્માએ આ વીડિયોને શેર કરતા લખ્યું કે, ‘લોકો તમારા કારણે ઘણા પરેશાન થઈ ગય છે. વ્હીલ ચેર પર કેટલાક વૃદ્ધ મુસાફરો છે, જેમની તબિયત સારી નથી. તમને શરમ આવવી જોઈએ ઈન્ડિગો.’

People r suffering bcoz of you @IndiGo6E lying lying n lying, there r some old passengers on wheel chairs, not in a very good health condition. Shame on you #indigo 👎 pic.twitter.com/87OZGcUlPU

— Kapil Sharma (@KapilSharmaK9) November 29, 2023