દેશના આ મંદિરમાં 75 વર્ષ બાદ દિવાળીની કરાઈ ઉજવણી, આઝાદી પછી પહેલીવાર જોવા મળ્યો આવો નજારો

લોકોમાં જોવા મળી રહી છે ખુશીઃ રવિન્દ્ર પંડિત

જમ્મુ-કાશ્મીરના કુપવાડા જિલ્લાના ટીટવાલમાં LoCની બાજુમાં શારદા મંદિર આવેલું છે. ‘સેવ શારદા કમિટી’ના ફાઉન્ડર અને પ્રમુખ રવિન્દ્ર પંડિતે જણાવ્યું કે, અહીં 75 વર્ષમાં પહેલીવાર દિવાળી પર પૂજા કરવામાં આવી છે. આ ખૂબ જ ખુશીની વાત છે કે 75 વર્ષ બાદ દિવાળી પર લોકોને પૂજાનો લ્હાવો ફરી એકવાર મળ્યો. શારદા મંદિરમાં દિવાળી પર પૂજા કરવામાં આવતા લોકોમાં ખૂબ જ ખુશી જોવા મળી રહી છે.

#WATCH | J&K | Prayers on #Diwali and celebrations
held at Sharda Temple in Teetwal, Kupwara along the LoC today. Ravinder Pandita, Head & founder of Save Sharda Committee says that this is happening for the first time in 75 years. pic.twitter.com/92z9H0CrsN

— ANI (@ANI) November 12, 2023

સત્યનારાયણ ભગવાનની કરાઈ પૂજા

શારદા મંદિરમાં પૂજા દરમિયાન 104 વિજય શક્તિ બ્રિગેડના કમાન્ડર કુમાર દાસ અને સેવ શારદા કમિટીના પ્રમુખ રવિન્દ્ર પંડિત ઉપસ્થિત રહ્યા હતા. આ ઉપરાંત ત્રિભોની ગામના સ્થાનિક લોકો અને મોટી સંખ્યામાં શીખોએ આ કાર્યક્રમમાં ભાગ લીધો હતો. દિવાળીના દિવસે મંદિરમાં સત્યનારાયણ ભગવાનની પૂજા કરવામાં આવી હતી અને ઉપસ્થિત લોકોને મીઠાઈ વહેચવામાં આવી હતી.

1947 સુધી માનવવામાં આવતી હતી દિવાળી

તમને જણાવી દઈએ કે, દેશના ભાગલા પડ્યા એ પહેલા અહીં મંદિર અને ગુરુદ્વારા આવેલું હતું, જ્યાં 1947 સુધી દિવાળી મનાવવામાં આવતી હતી. જે બાદ મંદિર અને ગુરુદ્વારા પર હુમલો કરી સળગાવી દેવામાં આવ્યું હતું. ત્યારપછી ત્યાં ફરી ક્યારેય દિવાળી મનાવવામાં આવી ન હતી, પરંતુ 75 વર્ષ પછી ફરી એકવાર મંદિરમાં દિવાળીની હર્ષોલ્લાસથી ઉજવણી કરવામાં આવી.

શારદા મંદિર ક્યાં આવેલું છે?

શારદાપીઠ એ દેવી સરસ્વતીનું એક પ્રાચીન મંદિર છે જે પાકિસ્તાન અધિકૃત કાશ્મીરમાં શારદા પાસે કિશનગંગા નદી (નીલમ નદી)ના કિનારે આવેલું છે. આના પર ભારતનો અધિકાર છે. તેની આસપાસનો વિસ્તાર ખૂબ જ સુંદર અને મનોહર છે. શારદા પીઠ મુઝફ્ફરાબાદથી લગભગ 140 કિમી અને કુપવાડાથી લગભગ 30 કિમી દૂર છે.