Aditya L1 Launch: ISROએ રચ્યો નવો ઈતિહાસ, શ્રીહરિકોટાથી આદિત્ય-L1નું સફળ લોન્ચિંગ

આદિત્ય-L1 1 કલાકમાં તેની નિશ્ચિત ભ્રમણકક્ષામાં પહોંચશે

ISRO એ તેનું પ્રથમ સૂર્ય મિશન PSLV-C57/Aditya-L1 મિશન લોન્ચ કર્યું છે. શ્રીહરિકોટાના સતીશ ધવન સ્પેસ સેન્ટરના બીજા લોન્ચ પેડ પરથી સવારે 11:50 વાગ્યે નિર્ધારિત સમયે લોન્ચ કરવામાં આવ્યું હતું. આ લોન્ચિંગ PSLV-XL રોકેટથી કરવામાં આવ્યું છે. આ રોકેટની આ 25મી ઉડાન હતી. રોકેટ PSLV-XL આદિત્યને તેની નિયુક્ત ભ્રમણકક્ષામાં છોડવા માટે રવાના થયું છે. આદિત્ય-એલવાન પ્રક્ષેપણ પછી લગભગ એક કલાક પછી તેની નિયુક્ત ભ્રમણકક્ષામાં પહોંચશે.

INDIA to the #Sun🚀🌞🛰: @isro PSLV-C57/Aditya-L1 launched successfully to study the #Sun. #IADN pic.twitter.com/zIwMlEPt5P

— Indian Aerospace Defence News – IADN (@NewsIADN) September 2, 2023

આદિત્ય મિશનનો મુખ્ય ઉદ્દેશ્ય શું છે?

આદિત્ય સૂર્યના કોરોનામાંથી નીકળતી ગરમી અને ગરમ પવનોનો અભ્યાસ કરશે. સૌર વાતાવરણને સમજવાનો પ્રયત્ન કરશે. સૌર પવનોના વિતરણ અને તાપમાનનો અભ્યાસ કરશે. સૌર તોફાન, સૌર તરંગો અને પૃથ્વીના વાતાવરણ પર તેની શું અસર થાય છે તેનો અભ્યાસ કરશે.

આદિત્ય-એલ1માં શું છે ખાસ, કેમ અલગ છે?

આદિત્ય-એલ1 એ ભારતનું પ્રથમ સૌર મિશન છે. સૌથી મહત્વપૂર્ણ પેલોડ વિઝિબલ લાઇન એમિશન કોરોનાગ્રાફ (VELC) છે. તે ભારતીય એસ્ટ્રોફિઝિક્સ સંસ્થા દ્વારા બનાવવામાં આવ્યું છે. સૂર્યયાન પાસે 7 પેલોડ છે. જેમાંથી 6 પેલોડ ઈસરો અને અન્ય સંસ્થાઓ દ્વારા બનાવવામાં આવ્યા છે.

આદિત્ય-L1 અવકાશયાન પૃથ્વી અને સૂર્યની વચ્ચેની L1 ભ્રમણકક્ષામાં મૂકવામાં આવશે. એટલે કે, સૂર્ય અને પૃથ્વી સિસ્ટમ વચ્ચેનો પ્રથમ લેગ્રેન્જિયન બિંદુ. એટલા માટે તેના નામ સાથે L1 જોડાયેલ છે. L1 વાસ્તવમાં અંતરિક્ષની પાર્કિંગ સ્પેસ છે. જ્યાં અનેક ઉપગ્રહો તૈનાત છે. ભારતનું સૂર્યયાન પૃથ્વીથી 15 લાખ કિમી દૂર સ્થિત આ બિંદુ પરથી સૂર્યનો અભ્યાસ કરશે. નજીક નહીં જાય.