ગાઝામાં હોસ્પિટલ પર હુમલો ઈઝરાયેલ નથી કર્યો, ઈસ્લામિક જિહાદનું રોકેટ મિસફાયર થયું: નેતન્યાહૂ

ઈઝરાયલના વડાપ્રધાન બેન્જામિનએ કહ્યું કે, આખી દુનિયાએ જાણવું જોઈએ કે ગાઝામાં બર્બર હુમલો ઈઝરાયેલની સેનાએ નહીં પરંતુ આતંકવાદીઓએ કર્યો હતો. જે લોકો અમારા બાળકોને નિર્દયતાથી મારી નાખે છે, તેઓ પોતાના બાળકોને પણ મારી નાખે છે.

Prime Minister Benjamin Netanyahu, this evening:

"The entire world should know: It was barbaric terrorists in Gaza that attacked the hospital in Gaza, and not the IDF.

Those who brutally murdered our children also murder their own children."

— Prime Minister of Israel (@IsraeliPM) October 17, 2023

આ પહેલા IFDએ માહિતી આપતા કહ્યું હતું કે, હોસ્પિટલ પર હુમલા માટે ઈસ્લામિક જેહાદ જવાબદાર છે. IDFએ કહ્યું, દુશ્મનો દ્વારા ઇઝરાયેલ પર ઘણા રોકેટ છોડવામાં આવ્યા હતા, જેમાંથી એક નિષ્ફળ ગયું હતું, જેણે ગાઝાની આ હોસ્પિટલને નિશાન બનાવી હતી. અમારી પાસે ઉપલબ્ધ વિવિધ ગુપ્તચર માહિતી અનુસાર, હોસ્પિટલ પરના આ રોકેટ હુમલા માટે ઈસ્લામિક જેહાદ આતંકવાદી સંગઠન જવાબદાર છે.

Following an analysis by the IDF's operational systems, a barrage of rockets was launched toward Israel, which passed in the vicinity of the hospital, when it was hit.

According to intelligence information from a number of sources we have, Islamic Jihad terrorist organization is… pic.twitter.com/QZsanPaFEc

— Israel Defense Forces (@IDF) October 17, 2023

UAE, રશિયાએ UNની ઈમરજન્સી બેઠક બોલાવી

ટાઈમ્સ ઓફ ઈઝરાયેલ અનુસાર, UAE અને રશિયાએ ઈઝરાયેલ-પેલેસ્ટાઈન સંઘર્ષને લઈને સંયુક્ત રાષ્ટ્ર સુરક્ષા પરિષદની ઈમરજન્સી બેઠક બોલાવી છે. આ બેઠક ગાઝાની હોસ્પિટલ પર થયેલા હુમલા બાદ બોલાવવામાં આવી છે, જેમાં 500થી વધુ પેલેસ્ટિનિયન માર્યા ગયા હતા.

સાઉદી અરેબિયા, યુએઈ, બહેરીન, ઇજિપ્ત, જોર્ડન અને તુર્કીએ ઇઝરાયેલ પર ગાઝાની એક હોસ્પિટલ પર હુમલો કરવાનો આરોપ લગાવ્યો છે, જેમાં સેંકડો પેલેસ્ટિનિયનો માર્યા ગયા હતા. આ હુમલા બાદ બહેરીને તાત્કાલિક યુદ્ધવિરામની અપીલ કરી છે.

I can confirm, that an analysis of the IDF operational systems indicates, that a barrage of rockets was fired by terrorists in Gaza, passing in close proximity to the Al-Ahli Al-Mahdi hospital in Gaza at the time it was hit >> pic.twitter.com/OcyuDHJGF8

— דובר צה״ל דניאל הגרי – Daniel Hagari (@IDFSpokesperson) October 17, 2023

હિઝબુલ્લાએ ગાઝામાં હોસ્પિટલ પર હુમલાને નરસંહાર ગણાવ્યો

લેબનોનના હિઝબુલ્લાએ ગાઝા પટ્ટીમાં હોસ્પિટલમાં વિસ્ફોટની નિંદા કરવા માટે ‘ક્રોધ દિવસ’ની હાકલ કરી છે. હિઝબુલ્લાએ ઈઝરાયેલને નરસંહાર ગણાવીને દોષી ઠેરવ્યો છે. હિઝબુલ્લાહે હુમલાને “નરસંહાર” અને “ક્રૂર અપરાધ” તરીકે વર્ણવતા કહ્યું કે, “બુધવાર, દુશ્મનો સામે ગુસ્સાનો દિવસ બની રહે.”

WHOએ હોસ્પિટલ પર હુમલાની નિંદા કરી છે

વર્લ્ડ હેલ્થ ઓર્ગેનાઈઝેશને પણ ગાઝા પટ્ટીમાં અલ અહલી અરબ હોસ્પિટલ પર ઈઝરાયેલના હુમલાની નિંદા કરી છે. ડબ્લ્યુએચઓએ એક નિવેદન જારી કરીને કહ્યું કે, દર્દીઓની હોસ્પિટલમાં સારવાર ચાલી રહી છે. કેરટેકર્સ અને ઘણા વિસ્થાપિત લોકોએ ત્યાં આશ્રય લીધો, પ્રારંભિક અહેવાલો સેંકડો મૃત્યુ સૂચવે છે.

વર્લ્ડ હેલ્થ ઓર્ગેનાઈઝેશને માંગ કરી છે કે ઈઝરાયેલી સેનાએ ઉત્તર ગાઝામાંથી લોકોને બહાર કાઢવાનો આદેશ પાછો ખેંચવો જોઈએ. તેણે આંતરરાષ્ટ્રીય માનવતાવાદી કાયદાનું પાલન કરવું જોઈએ. જે મુજબ હોસ્પિટલોને સુરક્ષિત રાખવી જોઈએ અને તેને નિશાન બનાવવી જોઈએ નહીં.

તુર્કીના રાષ્ટ્રપતિએ શું કહ્યું?

તુર્કીના રાષ્ટ્રપતિ એર્દોગને ગાઝા પર ઈઝરાયેલના હુમલાનો વિરોધ કરતા કહ્યું કે ગાઝા પટ્ટીમાં મહિલાઓ, બાળકો અને નિર્દોષ લોકોનો આવાસ હોસ્પિટલ પર હુમલો એ મૂળભૂત માનવીય મૂલ્યોથી વંચિત ઈઝરાયેલના હુમલાનું નવીનતમ ઉદાહરણ છે. હું તમામ માનવતાને ગાઝામાં આ અભૂતપૂર્વ ક્રૂરતાને રોકવા માટે પગલાં લેવા અપીલ કરું છું.

દરમિયાન, તુર્કીની સંસદમાં તમામ રાજકીય પક્ષોએ એક સંયુક્ત નિવેદનમાં ગાઝા પરના હુમલાની સખત નિંદા કરી હતી. કહેવામાં આવ્યું હતું કે આ માનવતા વિરુદ્ધ ગુનો છે.