હમાસના 2200 સ્થાન તબાહ, 900ના મોત… ઈઝરાયલ પર હુમલાના માસ્ટરાઈન્ડ ડાયફના પિતાના ઘરે પણ બોમ્બમારો

900 પેલેસ્ટાઈનીઓના મોત

ઈઝરાયેલ અને હમાસ વચ્ચેનું આ યુદ્ધ હમાસના હુમલાથી શરૂ થયું હતું. હમાસે ઇઝરાયેલ પર હજારો રોકેટ છોડ્યા. આ સિવાય હમાસના આતંકવાદીઓએ ઈઝરાયેલમાં ઘૂસીને નિઃશસ્ત્ર ઈઝરાયલીઓ પર ઘાતકી હુમલો કર્યો હતો. આ હુમલાઓમાં અત્યાર સુધીમાં 1200 લોકોના મોત થયા છે. આ હુમલાના જવાબમાં ઇઝરાયેલ હમાસના સ્થાનો પર સતત બોમ્બમારો કરી રહ્યું છે.

ઈઝરાયલ દ્વારા સતત બોમ્બમારો થવાને કારણે 20 લાખની વસ્તી ધરાવતું ગાઝા ઈમારતોના કબ્રસ્તાનમાં ફેરવાઈ ગયું છે. બધે માત્ર કાટમાળ અને ધુમાડો જ દેખાય છે. ઈઝરાયેલના હુમલામાં 900 પેલેસ્ટાઈનીઓના મોત થયા છે. જેમાં 260 બાળકો અને 200 મહિલાઓનો સમાવેશ થાય છે. તે જ સમયે, 4,250 લોકો ઘાયલ થયા છે.

ડાયફ કોણ છે?

ઈઝરાયેલ પર હમાસના આઘાતજનક હુમલા પાછળ મોહમ્મદ દૈફ મુખ્ય સૂત્રધાર હોવાનું કહેવાય છે. ડાયફ હમાસની લશ્કરી પાંખનો મુખ્ય કમાન્ડર છે. APની રિપોર્ટ મુજબ, “ઓપરેશન અલ-અક્સા સ્ટોર્મ” એ ગાઝાની 16-વર્ષની નાકાબંધી, ઇઝરાયેલના કબજા અને તાજેતરની ઘટનાઓનો પ્રતિસાદ હતો, એમ ડાયફે હમાસના હુમલા પછી જણાવ્યું હતું.

મોહમ્મદ ડાયફ 2002થી હમાસની સૈન્ય શાખાના વડા છે. તાજેતરના અહેવાલ મુજબ, ડાયફનો જન્મ ગાઝાના ખાન યુનિસ શરણાર્થી શિબિરમાં 1960 દરમિયાન થયો હતો અને તે સમયે તેનું નામ મોહમ્મદ દીબ ઇબ્રાહિમ અલ-મસરી હતું. મોહમ્મદ ડાયફના કાકા અને પિતાએ 1950ના દાયકામાં પેલેસ્ટિનિયનોના સશસ્ત્ર વિદ્રોહમાં ભાગ લીધો હતો, જ્યાંથી શનિવારે હમાસના આતંકવાદીઓ ઈઝરાયેલમાં ઘૂસ્યા હતા. ડાયફે ગાઝાની ઇસ્લામિક યુનિવર્સિટીમાં અભ્યાસ કર્યો.

જ્યારે મોહમ્મદ ડાયફ 20 વર્ષનો હતો, ત્યારે તેને પેલેસ્ટાઈનના પ્રથમ ઈન્ટિફાદા (બળવો) દરમિયાન ઈઝરાયેલી સરકારે જેલમાં મોકલ્યો હતો. તે સમયે, ઇઝરાયેલના અધિકારીઓએ તેને આત્મઘાતી બોમ્બ વિસ્ફોટોમાં ડઝનેક લોકોના મૃત્યુ માટે જવાબદાર ગણાવ્યો હતો.