ઈરાકમાં જશ્ન વચ્ચે મામત! લગ્નના સમારોહમાં ભીષણ આગ, દુલ્હા-દુલ્હન સહિત 100થી વધુનાં મોત

ફકાડકાના કારણે આગ લાગ્યાનો અહેવાલ

જો કે, આગ લાગવાનું કારણ શું હતું તે હજુ સ્પષ્ટ થયું નથી, પરંતુ પ્રાથમિક અહેવાલમાં જણાવવામાં આવ્યું છે કે ફટાકડા સળગવાને કારણે આગ લાગી હતી. ઈરાકી ન્યૂઝ એજન્સી નીના દ્વારા પોસ્ટ કરવામાં આવેલી તસવીરમાં અગ્નિશમન દળના જવાનો આગ ઓલવવાનું કામ કરી રહ્યા છે. આ સિવાય સોશિયલ મીડિયા પર સ્થાનિક પત્રકારોની તસવીરોમાં ઈવેન્ટ હોલના બળેલા અવશેષો દેખાઈ રહ્યા છે.

رئيس مجلس الوزراء @mohamedshia يوجه وزيري الداخلية والصحة باستنفار كل الجهود لإغاثة المتضررين جراء حادث الحريق بقضاء الحمدانية في سهل نينوى. pic.twitter.com/YMTCMSdC10

— Government of Iraq – الحكومة العراقية (@IraqiGovt) September 26, 2023

લગ્નની ઉજવણી માતમમાં ફેરવાઈ ગઈ

ઈરાકની ન્યૂઝ એજન્સી નીનાના અહેવાલને ટાંકીને ઈરાકના નાગરિક સંરક્ષણ નિર્દેશાલયે જણાવ્યું કે આગ બિલ્ડિંગમાં હાજર જ્વલનશીલ સામગ્રીની મદદથી લાગી હતી. ઇરાક સિવિલ ડિફેન્સ ડિરેક્ટોરેટના એક અધિકારીએ જણાવ્યું હતું કે અત્યંત જ્વલનશીલ, ઓછી કિંમતની બાંધકામ સામગ્રીને લગતી આગને કારણે હોલના કેટલાક ભાગો થોડી મિનિટોમાં તૂટી પડ્યા હતા. સમાચાર એજન્સી રોઇટર્સના સંવાદદાતા દ્વારા ઘટનાસ્થળ પર ફિલ્માવવામાં આવેલા વિડિયોમાં, અગ્નિશામકો બચી ગયેલા લોકોની શોધમાં ઇમારતના કાટમાળ પર ચડતા જોવા મળ્યા હતા.

ઘટનાસ્થળે હાજર પ્રત્યક્ષદર્શીઓના જણાવ્યા અનુસાર, બિલ્ડિંગમાં આગ સ્થાનિક સમય અનુસાર લગભગ 10:45 વાગ્યે લાગી હતી. તે સમયે સેંકડો લોકો લગ્નમંડપમાં લગ્નની ઉજવણી કરી રહ્યા હતા. સત્તાવાર નિવેદનો અનુસાર, ઈરાકી સત્તાવાળાઓ દ્વારા એમ્બ્યુલન્સ અને તબીબી ટીમોને ઘટનાસ્થળે મોકલવામાં આવી હતી.

ઈરાકના વડાપ્રધાનની જાહેરાત
ઈરાકના વડાપ્રધાન મોહમ્મદ શિયા અલ સુદાનીએ અધિકારીઓને દુર્ભાગ્યપૂર્ણ ઘટનાથી પ્રભાવિત લોકોને રાહત આપવા માટે તમામ પ્રયાસો કરવા જણાવ્યું છે. ઇરાકના પીએમ કાર્યાલયે એક્સ (અગાઉ ટ્વિટર) પર એક પોસ્ટમાં માહિતી આપી હતી.