યુદ્ધની સ્થિતિ વચ્ચે ઈઝરાયલમાં વસતા ભારતીયો માટે એડવાઈઝરી જાહેર, બિનજરૂરી પ્રવાસ ન કરવા સલાહ

Israel vs Hamas-Lebanon war : ઇઝરાયલની ગાઝા પટ્ટીમાં હમાસ અને લેબનાનમાં હિઝ્બુલ્લાહ સાથે ચાલી રહેલા સંઘર્ષ વચ્ચે આ ક્ષેત્રની સ્થિતિને ધ્યાનમાં રાખીને ભારતે તેના નાગરિકો માટે એડવાઈઝરી જારી કરી છે. તેલ અવીવમાં ભારતીય દૂતાવાસે ઇઝરાયેલમાં રહેતા નાગરિકોને બિનજરૂરી મુસાફરી ટાળવા અને સલામત સ્થળોની નજીક રહેવા જણાવ્યું છે. તેમાં કહેવામાં આવ્યું છે કે ભારતીય દૂતાવાસ સમગ્ર પરિસ્થિતિ પર નજીકથી નજર રાખી રહ્યું છે અને તેના લોકોની સુરક્ષા સુનિશ્ચિત કરવા માટે ઇઝરાયેલના અધિકારીઓ સાથે કામ કરી રહ્યું છે.