ઇમરાન ખાન મુક્ત: બહાર આવીને કહ્યું મારુ અપહરણ કરીને મને ઢોર માર માર્યો

મુક્તિ બાદ ઈમરાન ખાને શાહબાઝ સરકાર પર ગંભીર આરોપ લગાવ્યા હતા અને પોતાના સમર્થકોને શાંતિ જાળવવાની અપીલ પણ કરી હતી. મારું હાઈકોર્ટમાંથી અપહરણ કરવામાં આવ્યું અને પછી લાકડીઓ વડે માર મારવામાં આવ્યો. સામાન્ય ગુનેગાર સાથે પણ આવું થતું નથી, તે પછી શું થયું તેની મને ખબર નથી. મને હજુ પણ ખબર નથી કે શું થયું છે. પૂર્વ વડાપ્રધાને કહ્યું કે, જો કોઈ મારી ધરપકડ કરવા માંગે છે તો મને વોરંટ આપવામાં આવે. ક્યારેક તેઓ મને પોલીસ લાઈનમાં લઈ ગયા તો ક્યારેક ક્યાંક, મને સમજાતું નથી કે શું થયું. મારો ગુનો શું હતો તે હું જણાવવા માંગતો નથી. ચૂંટણી ઈચ્છતી પાર્ટી (ઈમરાનની પીટીઆઈ) દેશમાં આવી અરાજકતા કેવી રીતે ઈચ્છી શકે?

પાકિસ્તાનના પૂર્વ વડાપ્રધાન ઇમરાન ખાનની ધપકડ મામલે ત્યાંની સરકારને મોટો ઝટકો લાગ્યો છે. પાકિસ્તાનની સુપ્રીમ કોર્ટે ઇમરાન ખાનની ધરપકડને બિનકાયદેસર ગણાવતા તત્કાલ મુક્ત કરવાનો આદેશ આપ્યો છે. જેને ઇમરાન અને તેમના સમર્થકો માટે મોટી જીત માનવામાં આવી રહી છે. કોર્ટે ઇમરાન ખાનની એક કલાકની અંદર છોડવાના આદેશ આપ્યા છે. ત્યાર બાદ પોલીસ ઇમરાનને લઇને કોર્ટ પહોંચ્યા. કોર્ટે કહ્યું હતું કે, આ ભવિષ્ય માટે ઉદાહરણ આપવાનો સમય છે. પાકિસ્તાનને જેલ નહી બનવા દઇએ.