પત્ની માતા-પિતાથી અલગ થવા મજબૂર કરે તો આ ‘ક્રૂરતા’ છે, પતિ છૂટાછેડા લઈ શકે: HCનો મહત્વપૂર્ણ ચૂકાદો

માતા-પિતાની સંભાળ રાખવી, પુત્રની જવાબદારીઃ હાઈકોર્ટે
હાઈકોર્ટે વિગતવાર ખુલાસો કરતાં જણાવ્યું હતું કે, જો પત્ની માનસિક ત્રાસ આપે છે, અત્યાચાર કરે છે. તેમજ કોઈ નક્કર કારણ આપ્યા વગર પતિને માતા-પિતાથી દૂર રહેવા દબાણ કરે છે તો પતિને પત્નીને છૂટાછેડા આપવાનો અધિકાર છે. હકીકતમાં, ફેમિલી કોર્ટે પતિની છૂટાછેડાની અરજીને મંજૂરી આપી હતી, પરંતુ મહિલાએ ફેમિલી કોર્ટના આ આદેશને કોલકાતા હાઈકોર્ટમાં પડકાર્યો હતો. આ કેસમાં ચુકાદો આપતાં બેન્ચે કહ્યું હતું કે, માતા-પિતાની સંભાળ રાખવાની જવાબદારી પુત્રની છે. કોર્ટે એમ પણ કહ્યું હતું કે ભારતમાં પુત્ર લગ્ન પછી પણ માતા-પિતા સાથે રહે છે અને તેમનાથી અલગ રહેવું સામાન્ય નથી.

2009થી શરૂ થઈ હતી કાનૂની લડાઈ
પતિ-પત્નીની આ કાનૂની લડાઈ વર્ષ 2009થી શરૂ થઈ હતી. ત્યારબાદ પશ્ચિમ મિદનાપુરની એક ફેમિલી કોર્ટે પત્ની પ્રત્યેની ક્રૂરતાના આધારે પતિને છૂટાછેડા લેવાની મંજૂરી આપી હતી. બંનેએ વર્ષ 2001માં લગ્ન કર્યા હતા. પતિનો આરોપ છે કે પત્ની ખુલ્લેઆમ તેનું અપમાન કરતી હતી અને તેને કાયર, નાલાયક અને બેરોજગાર ગણાવતી હતી. પતિ વ્યવસાયે શિક્ષક હતા અને ઘર ચલાવવા પૂરતા પૈસા કમાઈ શકતો ન હતો. પરિવારમાં બાળકો ઉપરાંત માતા-પિતા પણ રહે છે. પત્ની પતિને અલગથી ફ્લેટ ભાડે આપવાનો આગ્રહ કરી રહી હતી. બીજી તરફ એક વખત પતિને સરકારી નોકરી મળવાની હતી ત્યારે પત્નીએ પતિ સામે હેરાનગતિનો ગુનો દાખલ કર્યો હતો, આ કેસના કારણે પતિને સરકારી નોકરી ન મળી શકી.