Pran Pratishtha બાદ ભગવાન રામના દર્શન કરવા પહોંચ્યા ‘હનુમાન’, અદ્ભુત દ્રશ્ય જોઈને સુરક્ષાકર્મીઓ પણ દંગ

હનુમાનજીએ રામલલાના કર્યા દર્શન

શ્રી રામજન્મભૂમિ તીર્થ ક્ષેત્રએ સોશિયલ મીડિયા પર આ ઘટનાની જાણકારી આપી છે. શ્રી રામજન્મભૂમિ તીર્થ ક્ષેત્રએ લખ્યું કે, “આજે સાંજે લગભગ 5:50 વાગ્યે એક વાનર દક્ષિણી દ્વારથી ગુઢ મંડપ દ્વારા ગર્ભગૃહમાં પ્રવેશ્યો અને ઉત્સવ મૂર્તિની નજીક પહોંચ્યો. જે બાદ સુરક્ષાકર્મીઓ સીધા વાનર તરફ એ વિચારીને દોડ્યા કે ક્યાંક આ વાનર ઉત્સવ મૂર્તિને જમીન પર પાડી ન દે. પરંતુ જ્યારે પોલીસકર્મીઓ વાનરની તરફ દોડ્યા, ત્યારે વાનર એકદમ શાંતિથી ઉત્તર દ્વાર તરફ આગળ વધ્યો. દ્વાર બંધ હોવાને કારણે પૂર્વ દિશાની તરફ થઈને દર્શનાર્થીઓની વચ્ચેથી એકદમ શાંતિથી કોઈને નુકસાન પહોંચાડ્યા વગર પૂર્વ દ્વારથી બહાર નીકળી ગયો. સુરક્ષાકર્મીઓનું કહેવું છે કે, સ્વયં હનુમાનજી રામલલાના દર્શન કરવા આવ્યા હોય એવું લાગ્યું.

आज श्री रामजन्मभूमि मंदिर में हुई एक सुंदर घटना का वर्णन:

आज सायंकाल लगभग 5:50 बजे एक बंदर दक्षिणी द्वार से गूढ़ मंडप से होते हुए गर्भगृह में प्रवेश करके उत्सव मूर्ति के
पास तक पहुंचा। बाहर तैनात सुरक्षाकर्मियों ने देखा, वे बन्दर की ओर यह सोच कर भागे कि कहीं यह बन्दर उत्सव…

— Shri Ram Janmbhoomi Teerth Kshetra (@ShriRamTeerth) January 23, 2024

પ્રથમ દિવસે 5 લાખથી વધુ ભક્તોએ કર્યા દર્શન

અયોધ્યાના ભવ્ય રામ મંદિરમાં રામલલાની નવી મૂર્તિની પ્રાણ-પ્રતિષ્ઠાના એક દિવસ બાદ મંગળવારે સમાન્ય જનતા માટે મંદિરના કપાટ ખોલી દેવામાં આવ્યા. મંદિરમાં દર્શન માટે શ્રદ્ધાળુઓની ભીડ ઉમટી પડી.પ્રાપ્ત માહિતી અનુસાર, પ્રથમ દિવસે પાંચ લાખથી વધુ ભક્તોએ ભગવાન શ્રી રામના દર્શન કર્યા.