મારી છબી ખરડવા અબજો ખર્ચ્યા, 1 મહિનામાં મેં તમને સત્ય બતાવી દીધુંઃ રાહુલ ગાંધી

રાહુલ ગાંધીએ પોતાની છબી ખરડવાની વાતને કેવી રીતે કહી
રાહુલ ગાંધીએ કહ્યું કે, જ્યારે હું રાજનીતિમાં આવ્યો ત્યારે અમારી સરકાર હતી. પ્રેસ વાળા 24 કલાક મારી પ્રસંશા કરતા હતા. પછી હું ભટ્ટા પરસોલ ગયો અને ખેડૂતોના જમીનના પ્રશ્નને ઉઠાવ્યો, તુરંત તેઓ મારી પાછળ લાગી ગયા. પછી જમીન અધિકરણ બીલ લાવ્યા તે પછી તો 24 કલાક મારી પાછળ પડી ગયા. પ્રધાનમંત્રીએ, ભાજપે, હજારો કરોડ રૂપિયા લગાવી દીધા મારી છબીને બગાડવામાં, અને તમે જોયું હશે કે મેં એક શબ્દ નથી કહ્યો, હું બિલકુલ ચુપ, તેમણે બધે જ ફેલાવ્યું, વ્હોટ્સેપ પર, ફેસબુકમાં બધા જ દેશમાં ફેલાવી દીધું. પણ હું બિલકુલ ચુપ રહ્યો. 24 કલાક ચલાવ્યું હું કાંઈ ન બોલ્યો, મેં કહ્યું કે ચાલો જોઉં તો ખરો કેટલું દમ છે. પછી એક મહિનામાં મેં તમને સત્ય બતાવી દીધું અને હવે બધું જ ખતમ, જુઓ સત્ય કેવી રીતે કામ કરે છે. સત્યને ક્યારેય છૂપાવી શકાતું નથી.