સરકારે ટાસ્ટફોર્સની કરી જાહેરાત: આ 8 સભ્યો પાલિતાણા વિવાદ ઉકેલશે

પાલીતાણા મામલે રાજ્ય સરકારે ઉચ્ચ સ્તરીય ટાસ્ક ફોર્સની રચના કરી છે. જિલ્લા કલેક્ટર અને જિલ્લા મેજીસ્ટ્રેટ આ ફોર્સની અધ્યક્ષતા કરશે. ઉપરાંત રેન્જ IG જિલ્લાના પોલિસ અધિક્ષક, નાયબ વન સંરક્ષકનો અને ભૂ-સ્તર શાસ્ત્રીનો સમાવેશ કરવામાં આવ્યો છે. જમીન દફ્તર નિરિક્ષક, પાલીતાણાના ચિફ ઓફિસરનો પણ સમાવેશ પણ કરવામાં આવ્યો છે. આ ઉપરાંત સભ્ય સચિવ તરીકે પાલીતાણાના સબ-ડિવિઝનલ મેજિસ્ટ્રેટ રહેશે.

પાલિતાણા દુનિયાભરના જૈનોની આસ્થાનું કેન્દ્ર છે. ત્યારે પાલિતાણામાં મંદિરો અને દેરાસરના વિવાદ સહિત અનેક વિવાદો છે. જેના ઉકેલ માટે આ ટાસ્ક ફોર્સ કામ કરશે. આ ટાસ્ક ફોર્સમાં પોલીસ, ફોરેસ્ટ વિભાગના અધિકારીઓ સમાવેશ કરવામાં આવ્યો છે. તેમજ આ ટાસ્ક ફોર્સ પાલીતાણાના પ્રશ્ન પર ઉકેલ લાવશે. અત્રે ઉલ્લેખનીય છે કે, શેત્રુંજય પર્વત પર એક પોલીસ ચોકી બનાવવાનો નિર્ણય પહેલા જ લેવાઇ ચુક્યો છે. આ ઉપરાંત કેન્દ્ર સરકારે પણ સંવેતશીખર મુદ્દે ઝારખંડ સરકારને વિટો વાપરીને કેટલાક આદેશો આપ્યા છે. જેથી હાલ પુરતા જૈનોની મોટા ભાગની માંગણીઓ સંતોષાઇ ચુકી છે.