યુવતીઓ દરિયામાં પણ સુરક્ષીત નથી, સ્કુબા ડાઇવિંગ કરી રહેલી યુવતીનો ગીયર ઉતારી KISS કરી ને પછી…

ઘટના મલેશિયાના સબાહ રાજ્યની છે. આ મામલે રાજ્યના પર્યટન મંત્રીનું નિવેદન પણ સામે આવ્યું છે. સાઉથ ચાઈના મોર્નિંગ પોસ્ટ અનુસાર, તાજેતરમાં જ એક ચાઈનીઝ યુવતી સબાહના સેમ્પોર્ના ટાઉનમાં સ્કુબા ડાઈવિંગ માટે ગઈ હતી. સલામતી માટે તેની સાથે એક પ્રશિક્ષક (ટ્રેનર) પણ હતો. આ દરમિયાન ટ્રેનરે તેની સાથે દરિયાના ઊંડાણમાં દુષ્કર્મ કર્યું. તેણે પાણીની અંદર યુવતીને બળજબરીથી કિસ કરી. યુવતીએ જણાવ્યું કે, આ ઘટના 5 મેના રોજ બની હતી. ચીન પરત ફરતા પહેલા ટ્રેનર વિરુદ્ધ મલેશિયા પોલીસમાં ફરિયાદ દાખલ કરવામાં આવી હતી, ત્યારબાદ તેની ધરપકડ કરવામાં આવી હતી.

યુવતીના કહેવા પ્રમાણે, ટ્રેનરે માત્ર પાણીની અંદર જ ખરાબ વર્તન કર્યું એટલું જ નહીં પરંતુ બહાર આવ્યા પછી પણ તેની સાથે ખરાબ વર્તન કરવાનું ચાલુ રાખ્યું.સેમ્પોરનાઇન્ફો યુવતીનો આરોપ છે કે ટ્રેનર સતત તેને ફોલો કરતો હતો. મોબાઈલ પર મેસેજ કરતો રહેતો હતો. એટલું જ નહીં, તેણે તેની અંગત માહિતી પણ એકત્રિત કરવાનું શરૂ કર્યું હતું. ટ્રેનરની હરકતોથી ડરીને તે પોલીસ પાસે પહોંચી અને તેની ધરપકડ કરી લીધી. હાલ પોલીસે ટ્રેનર વિરુદ્ધ ગંભીર કલમો હેઠળ કેસ નોંધીને તપાસ શરૂ કરી છે.

પોલીસે તેને રિમાન્ડ પર લીધો છે. સબાહ રાજ્યના પ્રવાસન મંત્રી ક્રિસ્ટીન લ્યુએ આ ઘટનાને ‘ખેદજનક’ ગણાવી હતી. બાળકી સાથેની ઘટના અંગે દુખ વ્યક્ત કરતા તેણે દોષિતો સામે કડક કાર્યવાહી કરવાની વાત કરી છે. ક્રિસ્ટીને કહ્યું કે આ ઘટનાથી રાજ્યના પ્રવાસન ઉદ્યોગની છબીને નુકસાન પહોંચ્યું છે. પ્રવાસન સ્થળ પર આવા કૃત્યને સાંખી લેવામાં આવશે નહીં. તે જ સમયે, લોકોએ આ ઘટનાને લઈને ચીની સોશિયલ મીડિયા પર ગુસ્સો વ્યક્ત કર્યો છે.