હદ છે! ગેંગરેપ પીડિતાને બદનામીના બહાને ઘરે મોકલી સ્કૂલે નામ કમી કરી નાખ્યું, બોર્ડની પરીક્ષા પણ ન આપી શકી

પીડિતાનું નામ શાળાએ કમી કરી નાખ્યું

ડિસેમ્બરમાં જ્યારે પીડિતા શાળાએ પહોંચી ત્યારે તેને કહેવામાં આવ્યું કે તેનું નામ કાઢી નાખવામાં આવ્યું છે. આ પછી તેને બોર્ડની પરીક્ષામાં બેસવા માટે એડમિટ કાર્ડ પણ આપવામાં આવ્યું ન હતું. પોતાની સાથે થયેલા આ બેવડા અન્યાયથી દુઃખી થઈને પીડિતાએ આ અંગે બાળ કલ્યાણ સમિતિને પત્ર લખ્યો હતો, જેના પછી આ ઘટના પ્રકાશમાં આવી હતી.

દુષ્કર્મની ઘટના બાદ શાળાએ પીડિતાને સ્કૂલે આવવાની ના પાડી

પીડિતા પર ગયા વર્ષે ઓક્ટોબરમાં સામૂહિક બળાત્કાર થયો હતો. આ પછી પોલીસ સ્ટેશનમાં પણ કેસ નોંધવામાં આવ્યો હતો. ઘટના અંગે માહિતી આપતા ચાઈલ્ડ વેલ્ફેર કમિટીના ચેરપર્સન અંજલિ શર્માએ જણાવ્યું હતું કે, ઘટના બાદ જ્યારે પીડિતા નિયમિત અભ્યાસ માટે શાળાએ પહોંચી ત્યારે ત્યાંના શિક્ષકોએ તેને શાળામાં આવવાથી વાતાવરણ બગાડશે તેમ કહીને શાળામાં આવવાની ના પાડી દીધી હતી.

ત્યારે શાળા દ્વારા કહેવામાં આવ્યું હતું કે તે અત્યારે શાળાએ ન આવે તો સારું. તેને પરીક્ષા સમયે બોલાવવામાં આવશે. 4 મહિના પછી જ્યારે બોર્ડની પરીક્ષાઓ શરૂ થવાની હતી ત્યારે પીડિતાને સ્કૂલ પ્રશાસન દ્વારા બોર્ડની પરીક્ષા માટે એડમિટ કાર્ડ પણ આપવામાં આવ્યું ન હતું.

જિલ્લા શિક્ષણાધિકારીની શાળા સામે કડક કાર્યવાહી લખાયો પત્ર

મામલાની ગંભીરતા જોઈને બાળ કલ્યાણ સમિતિના અધ્યક્ષ અંજલિ શર્માએ તરત જ આ બાબતની નોંધ લીધી અને જિલ્લા શિક્ષણાધિકારીને પત્ર લખીને શાળા પ્રશાસન સામે કડક કાર્યવાહી કરવા જણાવ્યું હતું. આ ઉપરાંત પીડિત વિદ્યાર્થિનીનું શૈક્ષણિક સત્ર બગાડવામાં ન આવે તેવું પણ કહેવામાં આવ્યું છે.

પત્રની નકલ જિલ્લા કલેક્ટરને પણ સોંપવામાં આવી છે. આ ઉપરાંત બાળ કલ્યાણ સમિતિ પણ જિલ્લા કાનૂની સેવા સત્તામંડળ સાથે વાત કરી રહી છે અને પીડિતાને કાયદાકીય મદદ પૂરી પાડવામાં આવી રહી છે. બોર્ડની પરીક્ષાઓ પૂરી થઈ ગઈ હોવા છતાં, બાળ કલ્યાણ સમિતિ પીડિતાને બોર્ડની પૂરક પરીક્ષાઓમાં હાજર રહેવા દેવાના પ્રયાસો કરી રહી છે.