ભારતથી ભાગીને કેનેડામાં છુપાયેલા વધુ એક ગેંગસ્ટરની હત્યા, ખાલિસ્તાની આતંકી અર્શદીપ સિંહનો રાઈટ હેન્ડ હતો

Canada-India Relation: ભારતમાંથી ભાગી ગયેલા વધુ એક ગેંગસ્ટરની કેનેડાના વિનીપેગ શહેરમાં હત્યા કરવામાં આવી છે. પંજાબમાંથી ભાગીને કેનેડામાં બેઠેલા A કેટેગરીના ગેંગસ્ટર સુખવિંદર સિંહ ઉર્ફે સુખા દુનુકેની કેનેડામાં ગોળી મારીને હત્યા કરી દેવામાં આવી છે. આરોપી સુખા ખાલિસ્તાની આતંકવાદી અર્શદીપ સિંહ ઉર્ફે અર્શ દલાનો જમણો હાથ હતો અને NIAની વોન્ટેડ લિસ્ટમાં સામેલ હતો. સુખા પણ કેનેડામાં બેસીને ભારતમાં તેના સાગરિતો દ્વારા ખંડણી ઉઘરાવવાનું કામ કરતો હતો.