‘તારા જીવ કરતા પણ વધારે કિંમતી છે મારી કાર…’ બાઈક સવાર પર ભડક્યાં ભારતના પૂર્વ PMના પુત્રવધૂ

ભવાની રેવન્નાનો વીડિયો વાયરલ

વીડિયોમાં ભવાની રેવન્ના બાઈક સવારને કહેતા જોવા મળી રહ્યા છે કે તેમની કારને નુકસાન પહોંચાડવાને બદલે તે બસની નીચે જઈને મરી જાય. એટલું જ નહીં તેઓ ત્યાં હાજર લોકો પર પણ પોતાનો ગુસ્સો ઠાલવતા જોવા મળી રહ્યા છે. તેઓ કહે છે કે તેમની કારની કિંમત 1.5 કરોડ રૂપિયા છે. તેઓ પૂછે છે કે તેમની કારને થયેલા નુકસાનની ભરપાઈ કોણ કરશે? એટલું જ નહીં ભવાની રેવન્ના કહે છે કે, તેમની 1.5 કરોડ રૂપિયાની કારને નુકસાન થયું છે, છતાં સ્થાનિક લોકોને બાઈક સવારની સુરક્ષાને લઈને ચિંતા છે.

A video shows former prime minister #HDDeveGowda’s daughter-in-law & #JDS leader #BhavaniRevanna yelling at villagers after a two-wheeler allegedly damaged her pricey Toyota Vellfire.#Karnataka #Mysuru #RoadAccident #HDRevanna pic.twitter.com/I4GRvgoGVQ

— Hate Detector 🔍 (@HateDetectors) December 4, 2023

ડ્રાઈવરે બાઈક સવારે નોંધાવ્યો ગુનો

એવું કહેવામાં આવી રહ્યું છે કે, જેડીએસ નેતા ભવાની રેવન્નાની કાર અને એક બાઈક વચ્ચે અકસ્માત સર્જાયો હતો. આ પછી ભવાની રેવન્નાના ડ્રાઈવર મંજુનાથે બાઈક સવાર શિવન્ના વિરુદ્ધ પોલીસ ફરિયાદ નોંધાવી હતી. પોલીસે ટક્કર મારનાર બાઈક ચાલક સામે ગુનો નોંધ્યો છે. મૈસુર જિલ્લાના સાલીગ્રામા પોલીસ સ્ટેશનમાં સીઆરપીસીની કલમ 157 હેઠળ બાઈક સવાર વિરુદ્ધ એફઆઈઆર નોંધવામાં આવી છે.