અમેરિકાના ઇતિહાસમાં પહેલીવાર: ડોનાલ્ડ ટ્રમ્પ કોર્ટમાં હાજર થશે, 35 હજાર પોલીસ જવાનો તહેનાત

આ કેસમાં ટ્રમ્પની ધરપકડની શક્યતા
આ કેસમાં તેમના પર ધરપકડની તલવાર પણ લટકી રહી છે. ન્યૂયોર્ક ટાઈમ્સ અનુસાર, ડોનાલ્ડ ટ્રમ્પ આત્મસમર્પણ કરશે અને પછી તેમને કોર્ટમાં રજૂ કરવામાં આવશે. તેની સામે બે ડઝનથી વધુ ગંભીર આરોપો છે. આ મામલાએ અમેરિકામાં ભારે રાજકીય અને સામાજિક હલચલ મચાવી દીધી છે. ન્યૂયોર્કમાં ટ્રમ્પના સમર્થકોનો જમાવડો જોવા મળી રહ્યો છે. આ જ કારણ છે કે ટ્રમ્પ ટાવરથી મેનહટનની કોર્ટ સુધી 35,000થી વધુ પોલીસકર્મીઓ તૈનાત કરવામાં આવ્યા છે. જ્યાં પૂર્વ રાષ્ટ્રપતિ હાજર થવાના છે.

ભારતીય સમય અનુસાર 11.15 વાગ્યે રાત્રે હાજર થશે ટ્રમ્પ
અમેરિકી રાષ્ટ્રપતિ ડોનાલ્ડ ટ્રમ્પ કેસમાં ગ્રાન્ડ જ્યુરીએ સંમતિ આપી છે કે, તેમની સામેના આરોપોને ઔપચારિક સ્વરૂપ આપવું જોઈએ. ભારતીય સમય અનુસાર લગભગ 11:15 વાગ્યે ટ્રમ્પને કોર્ટમાં રજૂ કરવામાં આવશે અને તેમને કોર્ટમાં જણાવવામાં આવશે કે તેમની સામે કયા આરોપો ઘડવામાં આવ્યા છે. અમેરિકાના લાંબા લોકતાંત્રિક ઈતિહાસમાં આ પ્રથમ વખત છે કે જ્યારે કોઈ પૂર્વ રાષ્ટ્રપતિ સામે ઔપચારિક રીતે કાર્યવાહી કરવામાં આવી હોય. આ રીતે, ટ્રમ્પની રાજકીય કારકિર્દી પર આ એક મોટો ડાઘ છે.

અમેરિકાના ઇતિહાસમાં ક્રિમિનલ કેસમાં દોષિત સાબિત થશે
અહેવાલો અનુસાર, ટ્રમ્પ મેનહટન ક્રિમિનલ કોર્ટમાં સરેન્ડર કરશે, જ્યાં તેમની ધરપકડ કરવામાં આવશે અને ફિંગરપ્રિન્ટ લેવામાં આવશે અને પછી કોર્ટમાં હાજર થશે. તે કસ્ટડીમાં માત્ર થોડો સમય પસાર કરશે. ટ્રમ્પ સમર્થકો તરફના દેખાવોની આશંકા પણ વહીવટીતંત્રને પરેશાન કરી રહી છે. જેના કારણે મોટા પાયે ફોર્સ તૈનાત કરવામાં આવી છે. ટ્રમ્પે કહ્યું- બદલો લેવામાં આવી રહ્યો છે, દોષિત ઠરે તો 4 વર્ષની કેદ આ દરમિયાન અમેરિકન કાયદા નિષ્ણાતોનું કહેવું છે કે, આજે ખબર પડશે કે ડોનાલ્ડ ટ્રમ્પ પર ટ્રાવેલ પ્રતિબંધ લગાવવામાં આવશે કે નહીં.

ટ્રમ્પને વધારે 4 વર્ષ માટે સજા થઇ શકે છે.
જો તે આ કેસમાં દોષી સાબિત થાય છે તો તેને વધુમાં વધુ 4 વર્ષની જેલની સજા થઈ શકે છે. આ દરમિયાન ડોનાલ્ડ ટ્રમ્પે તેમની સામે ચાલી રહેલા કેસને રાજનીતિથી પ્રેરિત ગણાવ્યો છે. તેણે પોતાના સોશિયલ મીડિયા પ્લેટફોર્મ ટ્રુથ સોશિયલ દ્વારા મેનહટનના ડિસ્ટ્રિક્ટ એટર્ની પર નિશાન સાધ્યું છે. ફરિયાદીને ‘બેશરમ’ ગણાવતા તેણે કહ્યું કે તે જો બિડેનના કાળા કૃત્યોને અંજામ આપી રહ્યો છે.લોકશાહ