G20 સમિટ માટે લવાયેલા ફૂલછોડ 40 લાખની ગાડી લઈને આવેલા શખ્સો ચોરી ગયા

ધનવાન લોકો એક સામાન્ય છોડની ચોરી કરતા ટ્વીટરમાં ટ્રેન્ડ ચાલ્યો
હરિયાણાના ગુરૂગ્રામમાં 40 લાખની કારથી આવેલા ચોરોએ ચાર રસ્તા પર સજે 400 રૂપિયાના છોડવાની ચોરી કરી હતી. આ છોડવાના કુંડા G20 સમ્મેલન માટે શહેર સજાવવા માટે મુક્યા હતા. ચોર લક્ઝરી કારમાં આવ્યા જેનો નંબર પણ VIP છે. ચોરીનો વીડિયો વાયરલ થયા બાદ તંત્ર હરકતમાં આવ્યું હતું. 1 મિનિટ 7 સેકન્ડના વાયરલ વીડિયો ગુરૂગ્રામના શંકર ચોકનો છે. જેમાં જોવા મળી રહ્યું છે કે, એખ કાર આવીને રોકાય છે. ગાડીમાંથી બે વ્યક્તિઓ ઉતરે છે. ચાર રસ્તા પર સજાવટ માટે મુકાયેલા ખાસ પ્રકારના છોડવાના કુંડા ઉઠાવીને ગાડીની ડીક્કીમાં મુકે છે. વીડિયોમાં છોડવા ચોરનારા વ્યક્તિનો ચહેરો પણ સ્પષ્ટ જોઇ શકાય છે.

40 લાખની ગાડીમાં આવીને ફુલછોડની ચોરી કરી
છોડવા ડિક્કીમાં મુક્યા બાદ ગાડીનો ચાલક ચાલતી પકડે છે. વીડિયોમાં ગાડીનો VIP ફણ સ્પષ્ટ રીતે જોઇ શકાય છે. જો કે હજી સુધી કુંડા ચોરની ઓળખ થઇ શકી નથી. હરિયાણા ભાજપના પ્રવક્તા રમન મલિકે આ વીડિયો શેર કર્યો. તેમણે ગુરૂગ્રામ પોલીસ તંત્ર અને હરિયાણા મુખ્યમંત્રી ઓફીસથી કાર્યવાહીની અપીલ કરી છે. મલિકે લખ્યું કે, આ વ્યક્તિ 40 લાખની કારમાં આવ્યો અને G20 સમ્મેલન માટે આવેલા છોડવાની ચોરી કરે છે. ધોળા દિવસે છોડવાની લૂંટ ખુબ જ શરમજનક છે.

#Gurugram this person in 40 lakh vehicle. Whom can be seen flicking out plantations meant for #G20 meeting beautification at Shankar chonk.
A daylight robbery of what? plants! Shame.@gurgaonpolice @DC_Gurugram @cmohry @MunCorpGurugram @OfficialGMDA @TrafficGGM
SOME ACTION PLS. pic.twitter.com/tKfJydLq8S

— Raman Malik🇮🇳 (@ramanmalik) February 27, 2023

ગુરૂગ્રામમાં G20 સમ્મેલનની જોરશોરમાં ચાલી રહી છે તૈયારી
ગુરૂગ્રામમાં G20 સમ્મેલનની તૈયારીઓ ગત્ત અનેક સમયથી જોરશોરથી ચાલી રહી છે. તેમાં વિદેશથી આવનારા મહેમાનોને ઇમ્પ્રેસ કરવા માટે શહેર સજાવવામાં આવી રહ્યું છે. રસ્તાઓ પર બંન્ને તરફ ફુટપાથ પર ખાસ પ્રકારના છોડવા પણ લગાવવામાં આવી રહ્યા છે. જેના કારણે શહેરની સુંદરતા વધારવા માટે મુકવામાં આવ્યા છે.