પ્રતાપગઢ જેલમાં બંધ અતીકના શૂટરનું FB એકાઉન્ટ થયું એક્ટિવ, પોલીસ દોડતી થઇ

લવલેશની આ પોસ્ટ પર ઘણા યુઝર્સે ઘણી બધી લાઈક્સ અને વિવિધ કોમેન્ટ્સ આપી છે. કેટલાક તેને સિંહ તો કેટલાક રાષ્ટ્રીય હીરો કહી રહ્યા છે. જ્યારે આ માહિતી પોલીસ સુધી પહોંચી તો એસપીએ સાયબર સેલને તેની તપાસ કરવાનો આદેશ આપ્યો. લવલેશ એ ત્રણ શૂટર્સમાંથી એક હતો જેણે માફિયા અતીક અહેમદ અને અશરફની હત્યા કરી હતી.

પોલીસ તપાસમાં લાગી
હવે જ્યારે લવલેશ જેલમાં છે ત્યારે તેના ફેસબુક પર આ પોસ્ટ કેવી રીતે અને કોણે કરી. પોલીસ તેની તપાસમાં લાગેલી છે. 16 એપ્રિલથી લવલેશના એકાઉન્ટમાંથી કોઈ પોસ્ટ કરવામાં આવી નથી. પરંતુ આ પોસ્ટ 12 મેના રોજ અચાનક વાયરલ થતાં પોલીસ વિભાગમાં ખળભળાટ મચી ગયો હતો.

જાણો શું કહ્યું પરિવારે
જ્યારે ‘ઈન્ડિયા ટુડે’ની ટીમ આ પોસ્ટ વિશે પૂછવા માટે લવલેશના સંબંધીઓ પાસે પહોંચી તો તેઓએ જણાવ્યું કે આ લવલેશ તિવારીનું જ ફેસબુક એકાઉન્ટ છે. પણ આ પોસ્ટ કોણે કરી? તેમને આ અંગે કોઈ ખ્યાલ નથી.બાંદાના એસપી અભિનંદને જણાવ્યું કે આ મામલાને ધ્યાનમાં લેવામાં આવ્યો છે. સાયબર સેલને તપાસ કરવાની સૂચના આપવામાં આવી છે, આ એકાઉન્ટ કોણ ચલાવી રહ્યું છે તેની તપાસ કરવામાં આવી રહી છે. તપાસ બાદ આ અંગે વધુ કડક કાયદાકીય કાર્યવાહી કરવામાં આવશે.

અતીક અહેમદ અને અશરફની હત્યા થઈ હતી
15 એપ્રિલે માફિયા અતીક અહેમદ અને તેના ભાઈ અશરફની જાહેરમાં હત્યા કરવામાં આવી હતી જ્યારે બંનેને મેડિકલ ચેકઅપ માટે કોલવિન હોસ્પિટલમાં લાવવામાં આવ્યા હતા. ત્રણેય હુમલાખોરો મીડિયા પર્સન બનીને આવ્યા હતા. અને તક મળતાં જ તેઓએ બંનેને માથામાં ગોળી મારી દીધી હતી. જેના કારણે તેનું ઘટનાસ્થળે જ મોત નીપજ્યું હતું. આ પછી ત્રણેય (લવલેશ તિવારી, અરુણ મૌર્ય અને સની)એ ત્યાં આત્મસમર્પણ કર્યું.