પતિ બેવફા નીકળ્યો અને સાસરીયા ત્રાસ આપતા, પિતા બેન્ડ-બાજા સાથે વાજતે ગાજતે દીકરીને તેડી આવ્યા

Rachi Father Daughter News: રાંચીમાં નીકળેલી એક જાન ખૂબ જ ચર્ચામાં છે. આ જાન દીકરીના સાસરિયાઓને વિદાય આપવા માટે નહીં, પરંતુ તેને તેના સાસરિયાઓના ત્રાસમાંથી મુક્ત કરવા માટે નીકળી હતી. પિતાએ તેની પરિણીત પુત્રીને પરત લાવવા માટે બેન્ડબાજા અને ફટાકડા સાથે જાન કાઢી હતી. યુવતીને સાસરીયાઓ દ્વારા હેરાન કરવામાં આવી રહી હતી. 15 ઓક્ટોબરે નીકળેલી આ જાનનો વીડિયો સોશિયલ મીડિયામાં પોસ્ટ કરાયો છે. જેમાં લખ્યું છે કે,’લોકો પોતાની દીકરીઓના લગ્ન ખૂબ જ ઈચ્છાઓ અને ધામધૂમથી કરે છે, પરંતુ જો જીવનસાથી અને પરિવાર ખરાબ નીકળે અથવા ખોટું કામ કરે તો તમારે તમારી દીકરીને સન્માન અને આદર સાથે તમારા ઘરે પાછી લાવવી જોઈએ કારણ કે દીકરીઓ ખૂબ અનમોલ હોય છે.’